Li Şêxmeqsûd mamoste li dijî tecrîda ser Ocalan meşiyan

Komîteya Perwerdeya Civaka Demokratîk (KPC-DEM) a taxên Şêxmeqsûd û Eşrefiye bi dirûşma “Êdî bes e ji dagirkeriyê ye dem dema parastina şoreşê ye” meşek ji bo şermezarkirna tecrîda ku li rêber Abdullah Ocalan hatiye ferzkirin, orgenîze kir.

Bi dehan mamoste û şêniyên taxê li pêşiya hola civînan a li beşa rojavayê taxa Şêxmeqsûd kom bûn û alên Tevgera Civaka Demokratîk (TEV-DEM), KPC-DEM û wêneyên rêber Abdullah Ocalan hildan.

Meş bi berzkirina sloganên silavkirina rêber Abdullah Ocalan û şermezarkirina dewleta Tirk a dagirker dest pê kir û li cem çerxerêya Serok Apo ya li beşa rojhilatê taxê bi dawî bû.

Meş li ber çerxerêyê rawestî û veguherî mitîngê. Di mitîngê de Zîlan Şêxo bi navê Rêveberiya Jin a Komîteya Perwerdeya Civaka Demokratîk û endama rêveber a KPC-DEM`ê Fatme Koşan axivîn.

Axaftvanan destnîşan kir ku civak bi fikr û felsefeya rêber Abdullah Ocalan pêş ket. Her wiha diyar kir ku rêber Abdullah Ocalan mirov ji tevahiya cureyên koletî û bikaranînê parast, heta niha li Îmraliyê ruxmî ku tecrîd lê hatiye ferzkirin lê li ber xwe dide.

Axaftvanan tecrîda ku li rêber Abdullah Ocalan hatiye ferzkirin şermezar kirin û îşaret pê kir ku dewleta Tirk a dagirker hertim hewl dide vîna gel bişkîne û azadiya wî têk bibe.

Meş bi berzkirina dirşûmên silavkirina rêber Abdullah Ocalan û şermezarkirina sûcên dewleta Tirk a dagirker bi dawî bû.

(şx)

ANHA


Mijarên Din