Li Serêkaniyê dewreyên pêşxistina behreyan ji xwendekaran re tên vekirin

Rêveberiya Dibistanên Serêkaniyê dewreyên havînê ji xwendekarên qonaxa seretayî re, vedikin. Di dewreyan de refên lîstokê û waneyên fêrbûna zimanan hene.

Bi armanca geşkirina behreyên xwendekar û sûdgirtina ji demên valahiyên hevînê, Rêveberiya Dibistanên bajarê Serêkaniyê dest bi vekirina dewreyên hevînê kirin. Dewre ji xwendekarên qonaxa seretayî re hatin vekirin.

Rêveberiya Dibistanan, dibistana Kêfork a li navenda bajêr ji dewreyên havînê re diyar kir. Li gor Rêveberiya Dibistanan, di dewreyan de dê hemû cureyên hunerê; weke mûzîk, şano, wênexêzî, stranbêjî û dîlan û li rexê jî fêrbûna bi zimanên Erebî, Kurdî û Îngilîzî werin dayîn.

Ji îro de qeydkirinê dest pê kir. Dê dewama dewreyên havînê di 25’ê Hizêranê de destpêbike û heya meha Îlona îsal dê berdewam bikin.

Di vê çarçoveyê de rêveber Emar Erdam got ku armanc ji rêxistinkirina dewreyên havînê ew e ku behreyên xwendekaran pêş bixin.

(fr)

ANHA


Mijarên Din