Li ser rêya Hesekê qeza çêbû… karmendekî jiyana xwe ji dest da

Erebeya veguhastina karmendên kampa Arîşa ya penaberan ku dikeve başûrê Hesekê, vê sibê dema diçû kampê, qeza kir. Di qezayê de karmendekî jiyana xwe ji dest da û çend karmend jî birîndar bûn.

Vê sibê li ser rêya kampa Arîşa ya Hesekê serwîsa karmendên Desteya Kar û Barên Şehîdan a Rêveberiya Xweser a Bakur û Rohilatê Sûriyê, li erebeyeke barhilgir qelibî. Di qezayê de karmendê bi nave Gorgîn Abdulqadir jiyana xwe ji dest da.

Li gorî agahiyên berdest, Ciwan Abdulwehab Îsmaîl, Mihemed Salm, Selwa Heciz, Yildiz Yûsif Ehmed û Cîhan Henan jî birîndar bûne û ji aliyê Hêzên Ewlehiya Hundirîn ve bi ambulansan rakirin Nexweşxaneya El-Hikme ya bajarê Hesekê.

Ji ber ku rewşa Yildiz Ehmed giran bû, ew rakirin nexweşxaneya bajarê Qamişlo.

Têkildarî qezayê Trafîka Hesekê tu daxuyanî nedane.

(eh)

ANHA


Mijarên Din