Li Şehbayê şehîdxistina têkoşer Yasîn Bulut bi meşekê hate şermezarkirin

Bi sedan şêniyên herêma Efrînê bi meşekê şehîdxistina endamê Komîteya Malbatên Şehîdan a PKK'ê Yasîn Bulut (Sukrî Serhed) şeremzar kir.

Endamê Komîteya Malbatên Şehîdan a PKK’ê Yasîn Bulut (Şukrî Serhed) ê ji bo tedawiyê li Silêmaniyê bû Înê ji aliyê endamên MÎT’a dewleta Tirk a dagirker ve hat şehîdxistin.

Di vê çarçoveyê de bi sedan şêniyên herêma Efrînê bi meşekê şehîdxistina têkoşer Yasîn Bulut şermezar kir û bang li gelê Kurd kir ku li hemberî xiyanet û planên dagirkeriyê serî hildin.

Meş ji rêya navçeya Ehdas- gundê Til Qerah ber bi têketina gundê Til Sosîn ê kantona Şehbayê ve dest pê kir.

Beşdaran wêneyên şehîd Yasîn Bulut û rêber Abdullah Ocalan hildan. Her wiha pankartên bi nivîsên "Meşa rûmetê ya li dijî dagirker û xiyanetê" vekirin.

https://www.hawarnews.com/ar/uploads/files/2021/09/19/163011_zlwkh-bkr-5b1600x12005d.jpg

Meş li têketina gundê Til Sosîn veguherî mîtîngê. Beşdaran li ser giyanên şehîdan deqeyeke rêzgirtin sekinîn, piştre hevseroka Meclisa Kantona Efrîn Zelûx Bekir axivî û got: "Planên dijim nikare vîna me têk bibe,  em xwedî îradeyeke xurt in, çiqasî dijmin hewldana şikandina me û îradeya me bike ew ê nikaribe."

Zelûx destnîşan kir ku careke din dijmin li hemberî kurdan bûne yek û wiha dewam kir: "Planên wan berdewam dikin. Tevî vê yekê dewletên cîhanê li hemberî sûcên li dijî me pêk tên, bê deng in."

https://www.hawarnews.com/ar/uploads/files/2021/09/19/163028_ismaayl-mwsa-5b1600x12005d.jpg

Hevserokê Meclisa Kantona Şehbayê Îsmaîl Mûsa diyar kir ku siyaseta dewleta Tirk bi armanca qirkirina gel e  û ev li axaftina xwe zêde kir: "Şehîdxistina li Başûr isbat dike ku destên xiyanetê di vê yekê de heye, ji lew re divê gel li dijî wan siyasetan bisekine û li dijî hemû dijminan yekitiya xwe ava bike, da ku bi ser bikeve."

Di dawiyê de sloganên "Na ji xiyanetê re" hatin berzkirin.

(eh)

ANHA


Mijarên Din