Li Şehbayê pêşangeha wêneyên komkujiya Şengalê

Yekitiya Êzidiyan a Kantona Efrînê pêşangeha wêneyan û sînevîzyoneke komkujiya ku çeteyên DAIŞ’ê li dijî civaka êzidî li Şengalê pêk aniye, vekir.

Bi beşdariya bi dehan şêniyên Efrîn û Şehbayê, bi amadebûna nûnerên deste û meclisên herêmên Şehbayê, Yekitiya Êzidiyan a Kantona Efrînê bi boneya salvegera 6’an a komkujiya Şengalê pêşangeha wêneyan vekir.

Merasîma vekirinê bi rêzgirtinê dest pê kir, piştre hevseroka Yekitiya Êzidiyan Sûad Hiso behsa salvegera 6’an a komkujiyê kir û wiha got: "DAIŞ’ê di wê xaka pîroz de ku şêniyên wê parastina ol û kevneşopên xwe dikir, gelek zarok, jin û kalepîr qetil kirin, jin li sûkan firotin, mêr û zarok li pêş çavên jinan qetil kirin."

Sûad Hiso soza şopandina rêça şehîdan, bilindkirina berxwedana li hember dewleta Tirk a dagirker û hêzên tarî yên ku qirkirina Kurdan dikin hedef, da.

 (fr)

ANHA


Mijarên Din