Li Şehbayê jinên ciwan li dijî dagirkeriyê meşiyan

Di çarçoveya pêngava "Na ji dagirkeriya Tirk re, erê ji parastina destkeftiyên şoreşê re" de , Yekitiya Jinên Ciwan a Efrînê meşek li dar xist.

Bi diruşmeya  "Em dibêjin na, ji tundiya li ser jinan re na, ji qetilkirina zarokan re na", Yekitiya Jinên Ciwan a Herêma Efrînê bi meşekê sûcên artêşa Tirk a dagirker û çeteyên wê yên li dijî jinan li herêmên dagirkirî şermezar kirin.

Jinên ciwan ku posterên Rêber Abdullah Ocalan, alên Yekitiya Jinên Ciwan û pankartên bi nivîsên "Em dibêjin na, ji tundiya li ser jinan re na, ji qetilkirina zarokan re na" vekiribûn ji pêşiya gundê Meret El-Miselemiya ya navçeya Ehdasê ya Şehbayê dest bi meşê kir û li nêzî parka navçeyê rawestiyan.

Di kombûnê de, endama Rêveber a Yekitiya Jinên Ciwan Esma Ehmed daxuyanî xwend.

Piştre şanoyek li ser zewicandina zarokan û bandora wê ya neyinî li ser civakî hate pêşandan.

Çalakî bi diruşmeyên şermezarkirina sûcên dagirkeriyê bi dawî bû.

ANHA


Mijarên Din