Li Reqayê pêngavek ji bo xurtkirina aboriya jinan

Li Reqayê bi armanca xurtkirina aboriya jinan, Desteya Aboriyê ya Jinan erdeke ku rûbera wê 11 donim e, fînanse kir û dê gelek proje lê werin pêkanîn.

Di çarçoveya piştevaniya aboriya jinan li Reqayê de, Komîteya Aboriyê ya Jinan erdekî çandiniyê bi rûbera 11 donim li herêma Kîsratê ya li gundewarên başûrê herêma Reqayê fînanse kir û dê gelek jin tê de bixebitin.

Tê payîn ku Desteya Aboriyê ya Jinan li erdê fînansekirin miloxiyê biçîne. Li gorî çavdêrên li ser projeyê, erd hatiye cotkirin û dê di çend rojên pêş de dê biçînin. Çavdêrên jin eşkere kir ku ew ê heman proje li herêmê ji qezenca vê projeyê vekin.

https://www.hawarnews.com/kr/uploads/files/2020/05/17/094033_073943_reqa-aburya-jine-28229.jpg

Endama Komîteya Aboriyê ya Jinan, Rîm Salih diyar kir ku fînansekirina zeviyên çandiniyê tecrubeya yekem e di warê çandiniyê de ye, piştî çend projeyên taybet ji bo jinan li herêmê wekî firne û kargehên dirûtinê hatin vekirin û armanc ji projeyan ew e ku aboriya jinan xurt bibe û karibin projeyên dîtir bi qezenca van projeyan vekin.

 Tê payîn ku li herêma Tişrînê ya li bakurê bajêr heman proje werin vekirin.

(ekîb)

ANHA


Mijarên Din