Li Reqayê ji bo bîranîna şehîdên Berxwedana Serdemê mûm hatin pêxistin

Bi boneya salvegera 3`yemîn a dagirkirina Efrînê, Meclisên Gel vê êvarê li Reqayê çalakiya pêxistina mûman a li ser çerxerêya Neîm a li bajêr orgenîze kir û bi vê yekê şehîdên Berxwedana Serdemê bi bîr anîn û dagirkeriya Tirkiyê şermezar kir.

Meclisa Gel a li Reqayê bi boneya salvegera şehîdên Berxwedana Serdemê û bi rasthatina salvegera 3`yemîn a dagirkirina Efrînê  û da ku piştgiriya xwe ji gelê Efrînê yên koçber re nîşan bide, çalakiya pêxistina mûman li dar xist. Çalakî bi beşdariya gel û endamên Meclisa Gel a li bajarê bi rê ve çû.

Çalakî bi rêzgirtinê dest pê kir û piştre li ser çerxerêyê mûm hatin pêxistin.

Dûvre beşdaran sloganên şermezarkirina siyaseta dewleta Tirk û çeteyên wê û sûcên li dijî welatiyên bajêr pêk tîne berz kirin.

Artêşa Tirk û çeteyên wê di 20’ê Çileya 2018`an de êrişî Efrînê kir, xêr û bêra welat talan kirin û zêdetirî 200 hezar sivîl koçber kirin.

(eh)

ANHA


Mijarên Din