Li Qamişloyê pîrozahiya salvegera Şoreşa Rojava dest pê kir

Li bajarê Qamişlo bi beşdarbûna girseyeke qerbalex salvegera Şoreşa Rojava dest pê kir.

Bi hezaran şêniyên herêma Cizîrê, Kurd, Ereb û Suryan bi cil û bergên xwe yên folklorî, şaneyek ji Rêveberiya Xweser a Bakur û Rojhilatê Sûriyê, şêx û rûpsiyên herêmê û kesayetên beşdarî komxebata der barê DAIŞ‘ê de bibûn li Stada 12‘ê Adarê ya li taxa Siyahî ya bajarê Qamişlo kom  bûn da ku salvegera 7‘emîn a Şoreşa 19‘ê Tîrmehê bikin. Şêniyên al û sembolên şoreşa Rojava hilda bûn.

Qada şahiyê bi wêneyên Rêberê Gelê Kurd Abdullah Ocalan, alên YPG û YPJ‘ê, wêneyên şehîdên Rojava, pankartên "Ciwanên azad misogeriya jiyana azad demokratîk e","Şoreşa 19‘ê Tîrmehê deryaya çand û azadiyê jinên ciwan e" û "Bi yekitiya gelê xwe em ê faşîzma Erdogan têk bibin" hatin daliqandin.

Cihê pîrozbahiyê ji aliyê Hêzên Asayîşê, Hawarê, Trafîk û Hêzên Parastina Civakî (HPC) vet ê parastin. Ji bo rewşên awaret jî ambulanc jî amade ye.

Pîrzobahî bi merasîmeke leşkerî ji aliyê şervanên YPJ û Hêzên Xweparastinê ve dest pê kir.

Ji fermandarên YPJ‘ê Rojda Efrîn axivî û got: "Fedekariyên mezin ku di nava 7 salên Şoreşa Rojava da hatin dayîn bi serkeftinên mezin bi encamp bû. Şervanên xaka Bakur û Rojhilatê Sûriyê diparêzin têkoşîneke mezin li dijî DAIŞ‘ê hevkarên wê artêşa Tirk a dagiarker dane meşandin û destkeftiyên şoreşê mîsoger kirin."

Rojda Efrînê wiha domand: "Madem gef li ser gelên me yê Bakur û Rojhilatê Sûriyê ji artêşa Tirk a dagirker û çeteyên wê hene wê têkoşîna me her zêde û berfireh bike. Serkeftinên li ser erdê pêkhatin berhemên fikr û felsefeya Rêberê Gelê Kurd Abdullah Ocalan û xwîna şehîdan e."

Di çalakiya mîhrecana Şehîd Stêrvan a duyenîm a bi boneya salavegera Şoreşa Rojava de dê axaftin ji aliyê endama Yekitiya Jinên Ciwan Avrîn Avdar, axaftina Rêveberiya Xweser, Kongreya Star ve werin kirin. Her wiha dê şano, stran û spora taykwendo û werin pêkşkêşkirin û  pêşengeheke wêneyan were vekirin.

ANHA


Mijarên Din