Li Qamişlo bazirganên parçeyên dîrokî hatin girtin

Hêzên Ewlekariya Hundirîn li Qamişlo 6 kes ku qaçaxçîtiya parçeyên dîrokî dikirin,  girtin.

Navenda ragihandinê ya Hêzên Ewlekariya Hundirîn a Bakur û Rojhilatê Sûriyê ragihand: "Li ser agahiyên ku çavkaniyekê dane, toreyek qaçaxiyê bi parçeyên dîrokî dikin heye, endamên Hêzên Têkoşîna li dijî Sûcên birêxistinkirî li gelek taxan ser malan de girtin û 6 endamên toreyê girtin. Her wiha bi wan re 3 pirtûkên olî dîrokî yek jê pirtûka Tewrat a kevin ku bi zimanê cuhî hatiye nivîsîn hatin desteserkirin. Li gorî endamê rêveber ê hêzên têkoşînî, piştî lêpirsînê endamên toreyê li xwe mikur hatin ku parçeyên dîrokî kirîne, firotine û derbasî derveyî herêmê kirine.”

Ji aliyekî din ve endamên Hêzên Têkoşîna li dijî Sûcên birêxistinkirî bazirganek parçeyên dîrokî li taxek bajarê Qamişlo girtin û pê re 15 parçeyên dîrokî (mohrên dîrokî, diravên mehdenî û zîbeq a sextet (hejmar2) destser kirin.

Hêzê sûcdaran veguhestin komîteya dozgeriyê da ku girtekên qanûnî li dijî wan bigirin.

(şx)

ANHA


Mijarên Din