Hate gotin ku li bajarê Peşaver ê Pakistanê kesek ketiye hundirê mizgeftekê û bombeyek teqandiye. Berdevkek ê polîsan ragihand ku herî kêm 44 kesan jiyana xwe ji dest dane. Li gorî nûçeya rojnameya Dawn a Pakistanê, nêzê 150 kes jî birîndar bûne.
Di dema teqînê de nêzê 300 kes li mizgeftê li ba hev bûn û teqîn di dema nimêja nîvro de, pêk hatiye. Tê gotin ku piraniya wan polîs in.
Mizgefta li bajarê ku dikeve bakurê rojhilatê welêt, li herêmeke bi ewlekariya bilind ku gelek avahiyên polîsan jî lê ye, cih digire.
Tê gotin ku faîl beriya ku bombeyê biteqîne, çûye nav kesên nimêj dikirin de.
Tê payîn ku gelek kes jî di bin enkazê de bin.
Hîna tu kesê ev êriş, negirtiye ser xwe.
