Li Minbicê xebata avakirina avahiyan  zêde dibe

Bi armanca geşkirina avahiyan li hemû taxên bajêr û bejahiya wê, Şaredariya Gel li bajarê Minbic û Gundewarên wê di mehên destpêkê yên sala 2019`an de, zêdetirî 200 ruxsetên avakirinê dan şêniyên bajêr.

Piştî derbasbûna 3`ê salan ji rizgarkirina bajêr ji çeteyên DAIŞ`ê, bi peydabûna ewlehiyê re xebata avakirina avahiyan berdewam dike.

Têkildarî mijarê, Hevserokê Buroya  Fenî ya girêdayî Şaredariya Gel a Minbinc û gundewarên wê Ehmed Şêxo ji ajansa me ANHA`yê re tekez kir, ku tevgera avakirinê roj bi roj zêdetir dibe, di vê der barê de buroya fenî ya girêdayî Şaredariya Gel a Minbic û Gundewarên wê di sala 2017`an de 450 ruxset dane, lê  di sala 2018`an pêla avahiyê zêdetir bûye û 550 ruxset hatin dayîn.

Şêxo bal kişand ser ku ronesasa avahiyê zêde û berdewam e, ji ber vê yekê di serjimariya mehên destpêkê ji sala 2019`an de, buroya fenî ya girêdayî Şaredariya Gel a Minbic û Gundewarên wê zêdtirî 200 ruxsetên avakirinê dane.

Tê payîn ku di mehên li pêşiya me de, li bajarê Minbicê û Gundewarên wê pêla avakirinê bilind bibe.

(eh)

ANHA


Mijarên Din