Li Minbicê 250 hektar zevî şewitîn

Li gorî Foca Agirkujiyê ya bajarê Minbicê ji destpêka mewsimê çinînê yê îsal ve 250 hekar zeviyên genim û ceh şewitiye. Foca Agirujiyê banga zêdekirina hişyariyê li şêniyan kir.

Tîma Foca Agirkujiyê ya bajarê Minbicê di dirêjeya dema mewsimê çinîna zeviyan de di nava seferberiyê de ye.

Ji bo naskirina kar û xebatê tîma agirkujiyê ya bajar û gundewarê Minbic, ji endamên tîmê Telal El-Hemîdî ji ANHA‘yê re axivî.

Telal El Hemîdî mekanîzmeya karê Focên Agirkujiyê ya li Minbicê eşkere kir û da zanîn ku ew agahiyan li ser numreya telefonê 0981600930 digirin eger bûyerek hebê an na û tîmên agirkujiyê 24 saetan kar dikin.

El-Hemîdî destnîşan kir ku hin caran li bejahiya Minbicê hin astengiyan dibînin, ji ber ku ku di navbera bajar û gundewarên minbicê ji hemû aliyan ve, 20 km heye û 10 deqe pêwîst dike, heta agirkujên wan xwe bigihînin û wiha domand:"Ji ber vê agir belav dike û mirov nikare agir kontrol bike."

El-Hemîdî anî ziman ku 250 hektar ji zeviyên genim û ceh îsal şewitîn û wiha domand: "Li gundewarên bakur û rojava û başûrê bajar, em astengî di vemirandina şewatê de dibînin. Ji ber ku rê piraniya xwe ne baş in û xeter in û em rastî gulebaranê tên."

El-Hemîdî bibîr xist ku divê alîkarî bi tîmên Foca Agirkujiyê re bibin alîkar û bi balder tevbigerin.

ANHA


Mijarên Din