Li Lubnanê şehîd Semîr Ehmed hat bibîranîn

Bi boneya Roja Şehîdan Nûnertiya Kurd a Lubnanê şehîd Semîr Ehmed ku di dema amadekirina Akademiya Mahsûm Korkmaz de şehîd bûbû, bi bîr anî. 

Duh Roja Şehîdan bû ku ji bo gelê Kurd yek ji rojên pîroz e û xwedî wateyeke cuda ye. Bi vê boneyê, kurdistaniyên li Lubnanê hemû şehîdên tevgera rizgariya Kurdistanê bi bîr anîn û serdana gora şehîd Semîr Ehmed (Ehmed) a li herêma Besta ya girêdayî Beyrûtê kir.

Şehîd Ehmed ji Bakurê Kurdistanê ye û ji ber zordariya dewleta Tirk tevî malbata xwe li Lubnanê bi cih bûbû. Ehmed di dema beşdarbûna wî di amadekirina Akademiya Mahsûm Korkmaz a li Lubnanê ya ji bo perwerdekirina şervanên tevgera rizgariya Kurdistanê di sala 1985`an de, şehîd bû.

Di merasîma bibîranînê de nûnerê Partiya Yekitiya Demokratîk (PYD) li Lubnanê Ednan Şêxo û seroka Komeleya Newroz Henan Osman beşdar bûn û şehîdên azadiyê bi bîr anîn. Her wiha tekez kirin şehîdan rêya jiyaneke azad û birûmet ji gelê xwe re ronî kir.

Henan Osman diyar kir ku şehadeta Ehmed di dîroka Kurdên li Lubnanê de tiştekî dîrokî bû û destpêka berzbûna fedakariyê û têkoşînê di nava refên wan de bû.

ANHA


Mijarên Din