Li Kobanê mayîn teqiya: 2 kes şehîd bûn, 5 birîndar bûn

Li gundê Zormexarê yê bakurê rojavayê kantona Kobanê ji ber encama teqîna mayînekê berê ya çeteyên DAIŞ‘ê bi erebeyekê ve 2 kes şehîd bûn. ji dest dan.

Teqîn bi erebeyekê ku şêniyan ji çalakiya mertalên zindî ya li gundê Ziyaretê yê li ser sînorê Bakurê Sûriyê û Bakurê Kurdistanê vedigerand pêk hat. Di encamê de endama Mala Jin a Herêma Firatê parêzer Eyşe Mustefa Elî (45) û ajarokarê erebeyê Xalid Kemal Ehmed (28) jiyana xwe ji dest dan.

 Di teqînê de  5 kesên din ku di erebeyê de bi sivikî birîndar bûn.

Birîndar ji bo nexweşxaneya Şehîd Zozan a bajarê Kobanê hatin veguhestin. Tevî hemû hewldanên bijîşkan Eyşe Mustefa Elî û Xalid Kemal Ehmed ên bi giranî birîndar bibûn jiyana xwe ji dest dan. Li gorî bijîşkan rewşa birîndarên din baş e.

Tê payîn ku cenazeyê Eyşe Mustefa Elî û Xalid Kemal Ehmed sibe Çarşemê li goristana Şehîd Dicle werin veşartin.

ANHA


Mijarên Din