Li Kobanê 3 şehîdên Berxwedana Rûmetê bi merasîmekî heybet hatin oxirkirin

Cenazeyê 3 şehîdên Berxwedana Rûmetê bi merasîmeke bi heybet li Goristana Şehîd Dîcle hatin veşartin. Di merasîmê de nasnameyên du şehîdan hatin ragihandin.

cenazeyên şervanên QSD‘ê Mihemed Nûrî Otkon (Çetîn Pirsûs), Arcan Ceblak (Azad Mele Zikret) û Mihemed Hesê yên ku di Berxwedana Rûmetê ya li dijî êrişên dagirkeriya Tirk û çeteyên wê şehîd bûne ji aliyê bi sedan şêniyên kantona Kobanê ve li Goristana Şehîd Dîcle hatin veşartin.

Merasîm bi deqeya rêzgirtin a bîranîna şehîdên têkoşîna azadiyê destpê kir. Paşê endama Koordînasyona Kongreya Star a Kobanê Almaz Romî axivî û fedekariyên QSD‘ê yên ji bo pêkanîna aştiyê û parastina herêmê ji dagirkeran destnîşan kirin.

Almaz bal kişand ser girîngiya hevgirtina gelên herêmê li dijî êrişên dagirkeriya Tirk û banga xwedîderketina li destkeftiyên şehîdan kir.

Hevseroka Desteya Tenduristiyê ya Kantona Kobanê Hedla Hesen jî got: "Dewleta Tirk a dagirker li dijî gelên herêmên sûcan pêk tîne û hemû qanûnên navdelwetî binpê dike. hovîtiya dagirkeriya Tirk gihişt asta ku tîmên tenduristiyê yên li herêmên şer bike hedef."

Meclisa Malbatên Şehîdan nasnameyên şehîdan xwendin û radestî malbatên wan kirin. Her wiha nasnameya şehîdê Berxwedana Serdemê Armanc Avareş û xebatkarê tenduristiyê Mihemed Seydî yê ji aliyê çeteyan ve li Girê Spî hate qetilkirin, hatin eşkerekirin.

Şêniyan di nava dirûşmeyên "Şehîd namirin" cenazeyên hersê şehîdan spartin axê.

ANHA


Mijarên Din