Li Kampa Koçberên Girê Spî pêşangeha karên destan

Komîteya Jinan a Kampa Koçberên Girê Spî bi armanca nîşandana kar û xebatên jinên koçber, pêşangeha karên destan vekir.

Bi dehanên jinên li kampê beşdarî pêşangehê bûn. Di pêşangehê de berhem û karên destan yên jinên koçber çêkirine, wekî “tevnên destan, cilên zarok û jinan, pêlîstok, tabloyên hunerî”, her wiha berhemên ku kultur û reseniya gelên herêmê nîşan didin, hatin nîşandan.

Bi armanca nasandina folklor û çanda gelên xwe, nêzî 40 jinên koçber beşdarî pêşangehê bûne.

Yek ji jinên beşdar, Cîhan Mihemed Elî li ser pêşangehê ji ajansa me re wiha axivî: “Ev pêşangeh ji bo me hêviyek e. Ruxmî şert û mercên koçberiyê jî, hêviya me heye. Em bi destên xwe cil û pêlîstokan ji zarokên xwe re çêdikin.”

Cîhan spasiya rêveberiya kampê kir ku ev derfet da wan û alîkariya wan kir.

ANHA


Mijarên Din