Li Helebê projeyeke xizmetguzarî bi lêçûna 200 milyon

Şaredariyê Gel a Helebê dest bi pêkanîna daxwazên şêniyan a qîrkirina kolanên taxên Şêxmeqsûd û Eşrefiyê, kir. Proje dê di gelek merheleyan de û bi lêçûna 200 milyon lîreya Sûriyê, pêk bê.

Piştî lidarxistina rêzecivînan ji hêla Meclisa Giştî ya taxên Şêxmeqsûd û Eşrefiyê ya zanîna daxwazên şênî û pêdiviyên wan, Şaredariya Gel a Helebê dest bi danîna planên giştî li gor derfetên heyî, kir.

Ji nav projeyên ku derbasî pêkanînê bûye, qîrkirina rêyan e. Dê nêzî 11 hezar m2 bê qîrkirin û lêçûna wê jî 200 milyon lîreya Sûriyê ye.

Di projeyê de zêdetirî 30 karker ji komîteya xizmeteguzariyê ya girêdayî şaredariyê dixebitin. Her wiha jî alavên mîna treks, bok, 2 erebeyên veguhastinê, alava kolandinê û erebeya qîrê dixebitin.

Ji aliyê xwe ve, Cîgirê Hevserokariya Şaredariya Gel a Helebê Azad Qaziqlî îşaret pê kir ku dê li gel projeya qîrkirinê, derfetên projeyên dîtir hene da ku tax xweşik bibe û li rexê binesazî ji torên kanalîzasyon û avê jî li gor derfetên heyî, pêk bên.

Azad di axaftina xwe de bang li şêniyan kir ku parastina mal û milkeyetên giştî biparêzin.

Li aliyekî dîtir jî, şêniyên bi navên Şukrî Mamo û Fatme Hecî kedên Şaredariya Gel a Helebê ên guhartina rewşa xizmetguzariyê taxê, spas kirin.

(fr)

ANHA


Mijarên Din