Li Helebê herêma barkirinê hat avakirin

Komîteya Pispor û Pîşekaran li taxa Şêxmeqsûd a Helebê ji bo hêsankirina şandina baran ji derve re herêmek ava kir.

Komîteya Pispor û Pîşekaran piştî pispor û bazirgan vegeriyan karê xwe û bi dehan dikanên pîşesazî û kargeh li herêma Şeqeyif a bajarê Helebê hatin vekirin, herêmek ji bo barkirina baran ava kir.

Ev yek li ser xwesteka xwediyên dikanan û bazirganan hat da ku karê barkirinê û veguhastina bar ber bi parêzgeh û bajarên din ên Sûriyê û derve ve pêk bê û 20 buro li herêmê hatin avakirin.

Ji rêveberên Komîteya Pispor û Pîşekaran a herêma Şiqeyif Mahir Mehmûd diyar kir ku xwediyên dikanên pîşesaziyê bi bazirganan re ketine nava koordînasyonê da ku veguhastina bar ji Helebê ber bi Minbic, Qamişlo û herêmên din ên Sûriyê ve hêsan bibe.

Mehmûd destnîşan kir ku ev yek ji bo pispor, bazirgan û pîşekaran re girîng e.

ANHA


Mijarên Din