Li Girê Spî mîhrîcana zarokan

Rêveberiya dibistana Şehîd Ehmed Yasîn a bajarê Girê Spî mihrîcanek gelêrî ji bo zarokan bi tevlibûna 13 tîmên dibistanên kantonê û Kobanê organîze kir.

GIRÊ SPÎ

Dibistana Şehîd Yasîn Ehmed a girêdayî Navenda Perwerdeyê ya Kantona Girê Spî bi armanca vedîtina behreyên zarokan û dûrxistina wan ji rewşa şer, mihrîcanek gelêrî ji bo zarokan organize kir. Bi sedan malbatên xwendekaran û mamosteyên kantonê beşdarî mîhrîcanê bûn.

Di mihrîcanê de 13 tîm ji dibistanên kantona Girê Spî û Kobanê beşdarî mîhrîcanê bûn.

Her wiha di mihrîcanê de komên beşdar berhemên xwe yên hunerî ji şano, govend û stranên gelêrî pêşkêş kirin. Zarokên beşdar bûn bi rêya berhemên xwe wijdana cîhanê muxeteb girtin û bang li rizgarkirina zarokatiyê ji encamên şerên ku li Sûriyê rû didin, kirin.

Di dawiya mihrîcanê de tevahiya komên beşdarvan govendek gelêrî pêşkêş kirin û bi rêya wê hevgirtin û yekîtiya pêkhateyên Bakur û Rojhilatê Sûriyê rave kirin.

(şx)

ANHA

 


Mijarên Din