Li Eyn Îsayê jî pêngava paqijiyê dest pê kir

Bi armanca belavkirina çanda xebata dilxwazî û parastina bedewiya herêmê, endamên Rêveberiya Xweser a Bakur û Rojhilatê Sûriyê dest bi pêngava paqijiyê kir.

Hevserokên Meclisa Rêveber, serokên desteyan, buro û saziyên Rêveberiya Xweser a Bakur û Rojhilatê Sûriyê yên li bajarokê Eyn Îsayê beşdarî pêngava paqijiyê bûn.

Beşdaran çop û bermahiyên li kolanên bajarok rakirin. 

Rêveberên Rêveberiya Xweser diyar kir ku armanca vê pêngavê ew e ku çanda xebata dilxwazî û parastina bedewiya herêmê were belavkirin. Tê payîn ku ev pêngav her roja yekşemê bi rê ve biçe.

Di heman demê de Rêveberiya Xweser ev pêngav li ser hemû rêveberên xweseriyê û saziyên Bakur û Rojhilatê Sûriyê daye meşandin.

Tê zanîn ku pêngava paqijiyê berî niha saziyên li herêmên Bakur û Rojhilatê Sûriyê pê rabûn, gund, bajarokên herêma Cizîrê û Firatê dan ber xwe.

(eh)

ANHA

 


Mijarên Din