Li Efxanistanê teqîna mayinê: 34 kuştî

Dezgehên çapemeniyê yên efxanî ragihand ku li kêleka rêya di navbera bajarên Herat û Qendehar de mayinek teqiya û ji ber mayinê herî kêm 34 kesan jiyana xwe ji dest da û gelek kes birîndar bûn.

Li Efxanistanê dema ku otobusek ji Qendeharê diçû Heratê, pê li mayinekê kir ku ji hêla Talîbanê ve hatibû danîn. Di encama teqînê de bi piranî jin û zarok, 34 kesên di otobusê de mirin û 10 kes birîndar bûn.

Berdevkê Walîtiya Eyaleta Farahê, Mûhîb Ellah Mûhîb got ku piranî jê jin û zarok mirin û teqez kir ku bombe ji hêla Talîbanê ve hatibû danîn.

Şandeya NY`yê li Efxanistanê duh kuştina sivîlan şermezar kir û diyar kir ku ev yek nayê qebûlkirin, tevî dan û standinên ku divê şerê li vî welatî bi dawî bike.

(jo)


Mijarên Din