Li Dêrikê navendeke tenduristiyê ya rewşên lezgîn hat vekirin

Ji bo xizmeta şêniyan û pêşkêşkirina alîkariyan Heyva Sor a Kurd a Dêrikê navendeke tenduristiyê ya rewşên lezgîn vekir.

Bi dehan endamên saziyên civaka sivîl ên Dêrikê, endamên Heyva Sor a Kurd û hevserokatiya Heyva Sor a Bakur û Rojhilatê Sûriyê di vekirina navendê ya li bajarê Dêrikê de amade bûn. Merasîma vekirinê bi rêzgirtinê dest pê kir, piştre Fatme Seîdûn dayika şehîd Harûn, derî vekir.

Hevseroka Heyva Sor a Kurd a Bakur û Rojhilatê Sûriyê Cemîle Hemê wiha got: "Pergala ambûlans û tenduristiyê cara yekemîn li bajarê Qamişloyê di 2016’an de hat vekirin, ew jî 4 ambulans bi dema 24 saetan dixebitîn, piştre li Reqa, Minbic, Hesekê û îro jî li Dêrikê vebûn.

Cemîle bal kişand ser ku 5 navendên awarte yên li Bakur û Rojhilatê Sûriyê tevî 60 ambulansan hene ku xizmeta şêniyan bi şev û roj bikin.

Cemîle Hemê got navend ji bo xizmeta rewşên şewat, qeza û birîndariyê amade ye.

Dê pergala ambulansan a beşa awarte ya tenduristiyê wek nobetdariyan be, ew jî dê di navbera 24 peywirdarên ambulansan, çavdêr û bencvanan de be ku xizmeta rewşên awarte ya şêniyan bikin.

(fr)

ANHA


Mijarên Din