Li Dêrazorê Şaredariya Gel hemleya pêşîlêgirtina belavbûna vîrusê berfireh kiriye

Di roja 4’an a qedexeya derketina derve de, Şaredariya Gel a Dêrazorê bi armanca pêşîlêgirtina belavbûna vîrusê li herêmê, dest bi dezenfetkirina kolan, deverên giştî û malan kir.

Di roja 4`emîn a qedexeya derketina derve de Şerdariya Gel a Herêma Dêrazorê pêngava pêşîlêgirtina belavbûna Koronavîrusê (Covid-19) berdewam dike û di çarçoveya şaneya aloziyê de dest bi hemleya dezenfektekirin kir.

Komîteyên taybet ên Şaredariya Gel a Herêma Dêrazorê dest bi dezenfektekirina gund û mezreyan kir.

Hevserokê Şaredariya Gel şaxê gundê El-Sewa yê gundewarên rojavayê Dêrazorê Zekeriya Esaf diyar kir ku kar û xebata rasterast bi Rêveberiya Xweser a Bakur û Rojhilatê Sûriyê re koordîne dikin û bi armanca pêşîlêgirtina belavbûna vîrusê gelek bergiriyên pêwîst digirin.

Zekeriya Esaf wiha axivî: “Ji beriya 2 rojan ve me dest bi hemleya dezenfetkirina avahiyên taybet, giştî, kolanên sereke, mezre û gundan kiriye. Rêveberiya Xweser li seranserî herêmên Bakur û Rojhilatê Sûriyê ji 23’yê mehê ve qedexeya derketina derve daye ferzkirin.”

(eh)

ANHA


Mijarên Din