Li Dirbêsiyê pêşangeha alavên keleporî

Bi armanca vejandin û parastina kelepora kurdî, Komîteya Çand û Hunerê ya bajarokê Kermê yê navçeya Dirbêspiyê pêşangeha alavên keleporî organîze kirin.

Di çarçoveya hewldanên parastin û vejandina mîras û çanda kurdî de, Komîteya Çand û Hunerê ya bajarokê Kermê ya navçeya Dirbêsiyê pêşangeheke alavên keleporî yên kevn li dar xist. Di pêşangehê de alavên wekî destar, bivir, sifir û teşî hene.

Di vekirina pêşangehê de bi dehan şêniyên bajarokê Til Kermê, şêniyên navçeya Dirbêsiyê û kesên ku çand û bi kultura kurdî re eleqedar in, amade bûn.

Endama rêveberiya Komîteya Çand û Hunerê ya Meclisa Dirbêsiyê Emel Hemo axivî û got parçeyên keleporî yên di pêşangehê de dîroka pêşiyan nîşan didin, her wiha banga parastina kelepora kurdan kir. Paşê beşdar li hemû pêşangehê geriyan.

Amadekarên pêşangehê, navên alavên kevn û çawaniya bikaranîna wan şîrove kirin. Di dawiya çalakiyê de koma Navenda Çandê ya Dirbêsiyê stran pêşkêş kirin.

ANHA


Mijarên Din