Konê çalakiyê li Minbicê didome

Konê çalakiyê ku li navenda bajarê Minbicê hatiye vedan di roja 7`emîn dewam dike.

Di bin konê çalakiyê de bi navê Hêzên Ewlekariya Hundrîn a Minbic û gundewarên, Endamê hêzên Hewarî Osman Xidir El-Bekar axivî û tekez kir ku ewê heta dawiyê şopdarên rêya şehîdan bin û heta dawiyê dê parastina bajarê xwe bikin.

Her wiha ji rêveerên Hêzên Ewlekariya Hundrîn Mihemed Hemada Ezîz berxwedana gelên Bakur û Rojhilatê Sûriyê li dijî êrîşên dewleta Tirk a dagirker û çeteyên wê silav kir.

Mihemed di axaftina xwe de wiha got:"Em tu carî xwîna şehîdên xwe ji bîr nakin. Em weke hêzên hundrîn ji her tiştî re amde ne, ne li Minbic lê belê li tevahî herêmên Bakur û Rojhilatê Sûriyê."

Paşê sînevizyonek der berê komkujiyên ku ji aliyê artêşa Tirk a dagirker û çeteyên wê li herêmên Bakur û Rojhilatê Sûriyê pêk hatine, hate pêşandan.

(bx)

ANHA


Mijarên Din