Komîteya Jinan a Dêrazorê sûcên dewleta Tirk şermezar kirin

Bi armanca şermezarkirina kiryarên dewleta Tirk û sûcên li dijî herêmên Bakur û Rojhilatê Sûriyê pêk tîne, îro Komîteya Jinan a Dêrazorê li herêma Meamil konê protestokirinê vegirt.

Bi dehan gel û gundewarên Dêrazorê, nûnerên rêveberiyên sivîl û leşkerî yên li herêmê beşdarî çalakiya konvedanê bûn.

Di çalakiyê de axaftina bi navên Meclisa Qanûnsaz û Partiya Sûriya Pêşerojê hatin kirin. Axîveran sûcên artêşa Tirk û çeteyên wê yên li dijî şêniyên navçeya Eyn Îsayê, Serêkaniyê û tevahiya herêmên ku dewleta Tirk dagir kirine şermezar kirin.

Şêniyên beşdarî çalakiya konvedanê bûne bang li civaka navneteweyî kir ku destwerdanê bike û dawî li dagirkeriyê bîne.

(eh)

ANHA


Mijarên Din