Komîteya Aboriyê ya Reqayê dest bi wergirtina genim kir

Komîteya Aboriyê ya girêdayî Meclisa Sivîl a Reqayê dest bi wergirtina genim kir. Wergirtina genim li gorî buhayê ku Rêveberiya Xweser diyar kiriye, pêk tê.

Piştî çinîna genim, Komîteya Aboriyê ya girêdayî Meclisa Sivîl a Reqayê deriyên embaran li pêşiya cotkaran vekirin, her wiha navenda Bedir heta niha nêzî 200 ton genim wergirtiye.

Li Reqayê navendên embarên wergirtina genim û ceh wiha hatine diyarkirin; Bedir, Selhebiyê, Kebeş Xerbî, Şinîne, Kalita, Rafiqa.

Dema ku genim dikeve navendan, ji aliyê pisporan ve tê kontrolkirin ku pileya başbûna wê tê diyarkirin û li gorî wê jî buha tê diyarkirin. Pisporê embarên Bedir Husên Xilêfan têkildarî mijarê got: "Em nimûneyan bi rêya alavên taybet hildidin û her nimûneyekê dixin tûrekî biçûk, pîvan û cureya genim ku ter an hişk e dinivîsin da ku buhayê wê diyar bikin."

Hê jî li gundewarên Reqayê çinîna genimê bejî didome û ji ber ku piraniyan rûberên çandî avî ne, dê heta hefteyeke din bidome.


Mijarên Din