Komên hunerî amadekariyên salvegera 19’ê Tîrmehê dikin

Tîmên hunerî yên girêdayî Navenda Baqî Xido ya Çand û Hunerê amadekariyên salvegera Şoreşa 19’ê Tîrmehê li dergûşa şoreşê li bajarê Kobanê beriya destpêkirina şahiya mezin dikin.

Beriya çend rojan ji salvegera 7’emîn a şoreşa Rojava, nexasim bajarê Konbanê yê ku bi dergûşa şoreşê tê nasîn, komên stran û govendê yên Navenda Baqî Xido ya Çand û Hunerê amadekariyên vejandina salvegera şoreşê dikin.

Di vê çarçoveyê de her du tîmên stranan, Koma Botan a ku yek ji tîmên kurdî li Rojava ye Koma Koral amadekariyên pêşkêşkirina stranan dikin.

2 stran ji 5 stranên şoreşgerî yên bi zimanê kurdî yên Koma Botan ên nû ne û endamên tîmê ji mehekê ve wan amade dikin. Her du stran bi navên "Botan" û “Ey şehîd tu çi qas mezin î" ne.

Ji aliyekî din ve jî dê Koma Hîlala Zêrîn a govendê û hunermend helbestvan Ferhad Merdê jî beşdarî şahiyê bibin da ku şahiya 19’ê Tîrmehê ya ku dê li Qada Jina Azad a naverasta bajarê Kobanê bi salvegera xwe ya 7’emîn li dar bikeve, amade bibin.

Her wiha beriya şahiya li Kobanê, gelê Sûriyê yê li Bakur û Rojhilatê welat gelek çalakiyên ku li bajarên dîtir bi boneya salvegera 7’emîn a şoreşê li dar dikevin, pêşwazî dikin.

(fr)

ANHA


Mijarên Din