Kanalîzasyonên Til Birakê têne sererastkirin

Şaredariya Gel a Til Birakê ya herêma Cizîrê ber bi bidawîkirina projeya kanalîzasyonê ya navçeyê ve diçe.

Şaredariya Gel a navçeya Til Birak a herêma Cizîrê ji sedî 75 ji projeya danîna toreyên kanalîzasyonê li navçeyê bi dawî kir. Şaredariyê 15`ê Tîrmehê dest bi projeyê kiribû. Proje bi dirêjahiya 400 metre ye. Tê payîn ku di nava hefteyekê de bi dawî bibe.

Şaredariya Gel a Til Birakê xertûmeke 60 cm bi kar anî da ku 25 mal di nava navçeyê de jê sûd wergirin. Her wiha Şaredariya Gel 3 rogarên sereke yên navçeyê ku dirêjahiya xwe 4 hezar metre piştî giliyên gel û derketina bêhneke nexweş li başûrê navçeyê, sererast dike.

Endamê Beşa Lêkolînê yê Navenda Fenî ya Şaredariya Gel a Til Birakê Hanî Ehmed El-Ehmed diyar kir ku 3 rogar di xeta sereke ya başûrê navçeyê de ku ji xizmetê derketine, der barê wan de lêkolîn kirin û niha werşeyên kar wan sererast dikin. Her wiha got di nava hefteyekê de dê sererastkirin bi dawî bibe.

(bx)

ANHA


Mijarên Din