Jinên Reqayê qezenciyên mewsimê pembo ji koçberan re veqetandin

33 endamên Rêveberiya Jinan a gundewarê  Reqayê qezenciyên berhemên mewsimê pembo ya 10 doniman, pêşkêşî koçberên Serêkaniyê û Girê Spî kirin.

Piştî hefteyek ji kar di 10 doniman de, jinan karê xwe xilas kir û daxuyanî dan. Endama rêveber a Rêveberiya Jinan a El-Kerame Elîsar El-Xelef daxuyanî xwend.

Elîsar teqez kir ku ew ji bo alîkariya koçberên herêmên Serêkaniyê û Girê Spî bikin dest bi vê xebetê kirine. Şêniyên wan herêman ji ber topbarana dewleta Tirk a dagirker li dijî malên wan neçarî koçberiyê bûn.

Elîsar bang li rêxistinên mirovî kir ku erkên xwe pêk bînin û tavahiya şêwazên destekê ji wan re pêşkêş bikin, bi taybet jî ku demsala zivistanê li ber derî ye ya kuzehmetiyên koçberan zêdetir dike..

(rr)

ANHA


Mijarên Din