Hêzên rejîmê tevî agirbestê jî “herêmên bêçek" topbaran dikin

Li herêmên qaşo bêçek, tevî agirbestê jî topbarana hêzên rejîmê berdewam dike.

Navenda Çavdêriya Mafên Mirovan a Sûriyê diyar kir ku hêzên rejîmê li bejahiya Idlibê anku “herêmên bêçek" topbaran dike û duh bi şev û vê sibê bi topavêjan êrîşî Hîş, Kefersecna, Şêx Damis, Reba El-Cor, Meret Hermê yên li aliyên başûr û başûrê rojhilatê bejahiya Idlibê kir. Heta van kêliyan jî agahiyên têkildarî windahiyan tune ne.

Duh bi şev hêzên rejîmê bi topavêjan êrîşî herêmên Kefersecna, Mensûra, herêma El-Lîrmon ên  bakurê Helebê kir, her wiha hêzên rejîmê bajarokên Hezarên û Meret Çîn ên başûrê Idlibê topbaran kirin.

Dewletên bi navê "garantorên Astanayê" anku Rûsya, Tirkiye û Îran di civîna li Enqerayê de rewşa herêmên qaşo bêçek nîqaş kir û têkildarî civînê nakokî derketin holê. Di heman demê de çavkaniyên alîgirên çeteyan behsa soza Tirkiyê ji Rûsyayê re kir ku dê Heyet Tehrîr El-Şam û Huras El-Dîn rake.

Diyar e ku rûdanên diqewimin nîşana ku Rûsya derfeteke nû dide Enqereyê da ku hevpeymana Soçiyê ya berê pêk bîne, lê Enqere paşguh dike.

(eh)


Mijarên Din