Hêzên Ewlehiya Hundirîn li Dêrazorê şaneyeke çeteyan girt

Hêzên Ewlehiya Hundirîn li rojhilatê bejahiya Dêrazorê şaneyeke çeteyên DAIŞ`ê girt, her wiha hêzan, kargeha teqemeniyan dorpêç kir û alavên tê de desteser kirin.

Hêzên Ewlehiya Hundirîn li dijî şaneyên çeteyên DAIŞ`ê ku li herêmê veşartî ne, hewldana têkbirina aramî û ewlehiyê dikin û sivîlan dikin armanc, têkoşîna xwe berdewam dikin.

Hêzên destwerdanê yên Hêzên Ewlehiya Hundirîn duh li herêma El-Besîra ya bejahiya rojhilatê Dêrazorê, şaneyeke DAIŞ`ê girt. Şane ji 6 çeteyan pêk dihat û dema hêzên ewlehiyê liv û tevgera wan şopand û agahî kom kirin, ew girtin.

Di heman demê de Hêzên Ewlehiya Hundirîn li herêmê kargeha çêkirina teqemeniyan dorpêç kir, paşê hemû made desteser kirin û belgeyên bûyerê kom kirin.

Hêjayî bibîrxistinê ku Hêzên Ewlehiya Hundirîn di proseya lêgerîna li şaneyên çeteyên DAIŞ`ê yên li herêmê de berdewam in.

(eh)

ANHA


Mijarên Din