HPG’ê nasnameyên 2 gerîlayên li Heftanînê şehîd bûne, rahihandin

HPG'ê nasnameyên 2 gerîlayan ku li Heftanînê şehîd bûne, ragihandin û diyar kir ku ''Hevrêyên me Bahoz û Evîn bi îdeolojî û felsefeya rêber Apo bi tîpên zêrîn navên xwe li dîroka berxwedanê nivîsîn.''

Navenda Ragihandin û Çapemeniyê ya HPG'ê bi daxuyaniyekê nasnameyên 2 gerîlayên şehîd ragihandin. Daxuyaniya HGP'ê wiha ye:

“Di daxuyaniya xwe de ya 13'ê Tîrmeha 2020'an me ji raya giştî re ragihandibû ku 11'ê Tîrmeha 2020'an li Heftanînê di encama şer û bombebaranê de li Şehîd Bîrhat û Girê Qertel hevrêyên me Evîn û Bahoz tevî nav karwanê şehîdan bûne.

Nasnameya hevrêyên me yên şehîd wiha ne:Nasnav: Evîn Şîlan

Nav û Paşnav: Heyfe Ramo
Cihê Jidayikbûnê: Qamişlo
Navê Dayikê-Bav: Gulçîn – Şelal
Cih û Dîroka Şehîdbûnê: Heftanîn/ 11’ê Tîrmeha 2020

Nasnav: Bahoz Suruç
Nav û Paşnav: Mehmet Altinel
Cihê Jidayikbûnê: Riha
Navê Dayikê-Bav: Îslim – Fehmî
Cih û Dîroka Şehîdbûnê: Heftanîn/ 11’ê Tîrmeha 2020

Dewleta Tirk a dagirker û mêtinger ji roja damezirandinê û wir ve hebûna Kurdan ji bo xwe weke gef dîtiye û ti caran çavê wê li hebûna Kurdan bar nebûye. Çavnebarî li nokerên Kurd ên li eniya dewleta Tirk a dagirker jî kiriye, weke ku dîrokê de gelek caran hatiye dîtin, piştî ku berxwedanên Kurdan hatine serkutkirin ev Kurdan xayin ên noker jî gule li wan hatine reşandin.

Gelê Kurd û zarên wan ên leheng bi analîzên dîrokî yên Rêber Apo û şêwaza siyasetê ya ku ji dîrokê dersan derdixîne, ji ber ku xweş bi karakterê dewleta Tirk zanin û nas dikin, bi berxweadaniyeke dîrokî li dijî tevgera dagirkeriyê bûne mertalên ji pola. Di van rojan de ku em ji pêvajoya berxwedanê ya dîrokî derbas dibin, berxwedanên dastanî ku bi pêşengiya şehîdên me yên leheng têne nivîsîn, mîrateyên wiha diafirînin ku siberojê bi anor û şanaziyeke mezin em ê behsê bikin. Hêjahiyên ku şehîd diafirînin, di serî de ya gelê Kurd, çawa ku ji niha ve siberoja hemû gelên çewisandî yên azadîxwaz ronî dike, divê were zanîn her wiha me nêzî siberoja ronak jî dikin.

Berxwedana dastanî ya li Heftanînê careke dî nîşan daye ku hemû dewletên faşîst û serwer dikarin werin têkbirin, dawî li pergala mêtingeriyê were anîn û azadî were bicihanîn. Berxwedana zindanê ya Xeyrî, Keaml, Mazlûm û Sarayan çawa ku cuntaya faşîst ku her kesî digot nikare were şikandin, têk birbe, peyrevên berxwedêrên Zindana Amedê ku li Heftanînê şer dikin, dîsa bi enyî giyanî berxwedana dîrokî nîşan dane û dewleta Tirk a faşîst û çeteyên noker li çiyayên Kurdistanê şikandine.

Hevrêyên me Bahoz û Evîn jî bûne pêşengên vê berxwedana dîrokî. Hevrêyên me Bahoz û Evîn ku bi fedekarî û kedeke mezin tevlî Pêngava Şoreşger a Cenga Heftanînê bûbûn, bi şêwazeke fedayî tevlî gelek çalakiyan bûne ku derbên giran li dagirker û çeteyên noker dane û serkeftinên mezin bi dest ve anîn. Hevrêyê nem Bahoz û Evîn ku her yek ji wan ji parçeyên cihê yên Kurdistanê ne, bi îdeolojî û felsefeya Rêber Apo kom bûne, bûne xwedî berxwedaneke wiha ku bi tîpên zêrîn navê xwe li dîrokê dane. Bi zanîna wê heqîqeta ku dewletên dagirker û mêtinger bêyî ku cihêtiyê bike çawa ku her Kurd duh, îro û sibe qir dike, dixwaze qirk bike û tekane rêya rizgariyê li dijî dagirker û mêtingeran avakirina yekîtiya netewî ya demokratîk û em encex wiha dikarin azad bibin. Hevrêyên me Bahoz û Evîn ku ev heqîqeta Apoyî bi rengekî fedayî li çiyayên Kurdistanê pratî kirin, heta hilma xwe ya dawî bi lehengî temsîla vê kirin, di berxwedana netewî ya demokratîk û şerê me yê şoreşgerî de bûne lehengên ku her dem wê bi hurmet û minet werin bibîranîn.”

Di serî de malbatên hêja yên şehîdên me yên leheng, em sersaxiyê didin hemû malbatên şehîdan, hemû gelê Kurdistanê yê welatparêz, em sond dixwin ku berxwedana anorê ya ku şehîdên me yên leheng bi hêviya me ve hiştine, bi serfiraziyê tacîdar bikin.”


Mijarên Din