HPG: Di bombebaranê de sivîlek şehîd bû

Navenda Ragihandin û Çapemeniyê ya HPG'ê ragihand ku balafirên şer ên Tirk li gel Herêmên Parastinê yên Medyayê jîngehên sivîlan jî bombe kir. Di bomberdûmanê de sivîlê bi navê Yûsûf Cemal şehîd bû.

Navenda Ragihandin û Çapemeniyê ya HPG'ê têkildarî bombebarana dewleta Tirk a dagirker daxuyanî da.

HPG’ê li ser êrîşan ev agahî da:

 “Balefirên şer ên artêşa Tirk a dagirker êrîşên hewayî li Herêmên Parastinê yên Medyayê û qadên sivîlan kiriye. Di vê çarçoveyê de,

Di 24’ê Îlonê de saet di 09.00’an de balefirên şer derdora gundê Dê yê qada Stûna a herêma Avaşînê bomberdûman kiriye.

Di 25’ê Îlonê de saet di 07.00’an de Girê Şehîd Firat ê Avaşînê, saet di 16.00’an de derdora bajaroka Çemankê ya Garê û derdora gundê Çemê Zê, saet di navbera 21.45 û 00.00’an de jî Gelîyê Şehîd Ayhan, derdora gundên Enzê, Zevkê û Bêpalanê yên herêma Qendîlê bomberdûman kiriye.

Di 26’ê Îlonê de qada Dola Konferansê ya Avaşînê, Girê Şehîd Dîren û Qada Mervanisê bomberdûman kirine.

Di bomberdûmana bajaroka Çemankê de sivîlê bi navê Yûsûf Cemal ê 19 salî şehîd bûye. Di bomberdûmanên dewleta Tirk de xisareke maddî û manewî gihiştiye bax û baxçeyên gel. Hikumeta faşîst a AKP û MHP’ê sivîlên li Başûrê Kurdistanê dike hedef û gelê herêmê ditirsîne û wan qir dike. Artêşa Tirk a faşîst vê carê jî ciwanê 19 salî kiriye hedef. Wê tola vî ciwanê Kurd teqez were pirsîn.”


Mijarên Din