Hiso: Rûsya ji ber lihevhatina herêma ewle tengav bûye

Ekrem Hiso got daxuyaniyên Rûsyayê yên dawîn ên têkildarî herêmên Bakur û Rojhilatê Sûriyê, nîşana tengavbûna Rûsyayê ji ber lihevhatina herêma ewle ye.

Siyasetmedar Ekrem Hiso diyar kir ku daxuyaniyên wezîrê karên derve yê Rûsyayê Sergey Lavrov ên der barê Idlibê de ne rast in û got: “Heyet Tehrîr El-Şam û noqteyên çavdêriyê yên Tirkiyê heta niha li Idlibê hene.”

Hiso got ev daxuyanî wekî derziya texdîrê ji bo “garantorên” Astanayê ye ya ku tê payîn di 16`ê Îlonê de were lidarxistin.

Lavrov beriya niha bi çend rojan gotibû, şerê li Sûriyê bi dawî bûye û îdia kir ku herêmên Bakur û Rojhlatê Sûriyê wekî “deverên aloz” in.

Siyasetmedarê ji Sûriyê Ekrem Hiso anî ziman ku daxuyaniyên dawîn ên Lavrov ên der barê bidawîbûna şer li Sûriyê de, gelek wateyên xwe hene; jê sivikkirina zexta li ser Rûsyayê ji aliyê dewletên garantor ên Astanayê ve, ev yek jî piştî ku rejîmê bi destekdayîna Rûsyayê li Idlibê bi pêş ket û hêza rejîmê di nava raya giştî de xurt kir, pêk hat.

Hiso got daxuyaniyên Lavrov îsbat dike ku Rûsya hebûna komên cîhadî li Idlibê qebûl kiriye û ev daxuyanî ne li gorî hevpeymana di navbera Pûtîn û Erdogan de ku demekê berê li Moskovê çêbûye, li gorî hevpeyamnê divê Idlib ji Heyet Tehrîr El-Şam û komên girêdayî wê were paqijkirin.

Hiso wiha lê zêde kir: “Lê der barê gotinên Lavrov ên têkildarî herêmên Bakur û Rojhilatê Sûriyê de ku ew dibêje tiştên li wir dibin, em jê ne razî ne anku ji herêma ewle ne razî ne û armanca bîrxistina herêmên Bakur û Rojhilatê Sûriyê ew e ku rewşê tevlihev bike û raya giştî ya Sûriyê sor bike û opozîsyona Sûriyê ya li Tirkiyê ked bike, ji ber ku Rûsyayê tu rola wê li herêmên Bakur û Rojhilatê Sûriyê tune ye û nikare tiştekî bike.”

(kc)

ANHA


Mijarên Din