​​​​​​​Hevrêyên şehîd Ferhad Şiblî soza şopandina xeta wî da

Hevreyên şehîd Ferhad Şiblî anîn ziman ku şehîd Ferhad di dilê bi hezaran kesî de îsrara pêkanîna destkeftiyan û serxistina şoreşê çand. Hevreyên wî diyar dikin ew ê şopdarên xeta wî bin.

Şehîd Ferhad Şiblî an ku Ferhad Dêrik jiyana xwe ji bo avakirina civakeke azad û welatekî demokratîk her wiha pêkanîna neteweya demokratîk, veqetand.

Şehîd Ferhad Şiblî ji pêşengên Şoreşa Rojava ya 19'ê Tîrmeha 2012'an e. Di avakirina gelek saziyên sivîl û leşkerî û rêveberiyên xweser ên gelek herêmên Bakur û Rojhilatê Sûriyê de kedeke bê hempa da. Herî dawî cîgirê hevserokatiya Meclisa Rêveber a Rêveberiya Xweser a Bakur û Rojhilatê Sûriyê bû.

17`ê Hezîranê balafireke bê mirov a bi çek a  artêşa Tirk a dagirker li navçeya Kelarê ya parêzgeha Silêmaniyê ya Başûrê Kurdistanê erebeya ku Ferhad Şiblî û 3 kesên din tê de bûn, kir armanc. Di encamê de hevalê Ferhad Şiblî û kesên pê re şehîd bû.

Şehadeta wî bandoreke mezin li gel şêniyên Bakur û Rojhilatê Sûriyê û hevrêyên wî hişt.

'ME HÊZA XWE JI ŞEHÎD FERHAD GIRTIYE'

Têkildarî mijarê hevserokê Meclisa Navçeya Dirbêsiyê û hevalê şehîd Ferhad Şiblî, Rustem Bekir axivî û anî ziman ku têkoşer Ferhad bê navber ji bo doza gelê xwe kar û xebat dikir û jiyana xwe ji bo xizmeta welat û parastina destkeftiyên şehîdan veqetandibû.

Rustem Bekir got: ''Şehîd Ferhad ji pêşengên Şoreşa Rojava bû û kesên destpêkê tev li avakirina saziyên sivîl û leşkerî bû, her wiha fikir û nêrînên wî xizmeta serkeftina Rêveberiya Xweser a Demokratîk kir, gelek serkeftin qezenc kirin ku ji cîhanê re bûn mînak.''

Bekir da zanîn ku wî li navçeya Dirbêsiyê bi şehîd Ferhad re kar û xebat kir û wiha dewam kir: "Mirov di çavên wî de hezkirina welat û fedekarî û girêdana bi doz û parastina gelê xwe ve didît. Min ji wî hêza xwe ya berdewamkirina têkoşîna vê şoreşê û parastina destkeftiyên wê girt."

Rustem Bekir da zanîn ku şehîd Ferhad di dirêjahiya xeta têkoşîna xwe de lingê xwe winda kir û di merasîmê şehîdan de digot 'bi şahdeta her şervan û têkoşerekî em parçeyekî ji laşê xwe winda dikin.'

Bekir got: "Me jî bi şehadeta wî parçeyekî ji laşê xwe winda kir.''

'BEŞDARBÛNA DI MERASÎMÊ WÊ DE NAMEYEK JI DIJMIN RE BÛ`

https://www.hawarnews.com/kr/uploads/files/2022/06/29/201210_-.jpg

Hevrêya şehîd Ferhad Şiblî, Emîne Hêris jî îşaret bi beşdarbûna bi hezaran kesî di merasîmê oxirkirina şehîd Ferhad de û got: "Beşdarbûna bi hezaran şêniyên Bakur û Rojhilatê Sûriyê di merasîma oxirkirina şehîd Ferhad Şiblî de nameyek ji bo dijminê gelê Kurd e, navaroka wê;  hûn nikarin dîroka me tune bikin, ji ber ku me xeta têkoşînê esas girtiye."

Emîne Hêris şehîd Ferhad Şiblî bi têkoşerê bihêz wesif kir û got: "Jiyana xwe ji bo parastina xak û doza xwe veqetand. Şehîd Ferhad kesayeteke demokrat bû û nêrînê her kesî qebûl dikir."

Emîne Hêris da zanîn ku bi hezaran şêniyên Rojava bi israra şehîd Ferhad a li ser serkeftina şoreşê bandor bû û got: " Ez nikare vê israra wî ya ji bo serxistina vê şoreşê ji bîr bikim."

Emîne Hêris li ser şehadeta Ferhad Şiblî  got: "Agahiyên şehadeta wî mîna bahozekî bû. Dewleta Tirk a dagirker ew kir hedef ji bo ku bandora wî li şêniyên Bakur û Rojhilatê Sûriyê mezin bû. Her wiha rola wî di serxistina Rêveberiya Xweser de mezin bû."

Emîne Hêris soz da şehîd Ferhad û tevahî şehîdên azadiyê ku ew ê têkoşînê dewam bike heta ku xeyalên wan bi cih bên.

 (eh)

ANHA


Mijarên Din