Gerîlayên HPG'ê li dijî artêşa Tirk bi balafirên bêmirov çalakî li dar xistin  

Gerîlayên HPG'ê li dijî leşkerên artêşa Tirk a dagirker ên li ser Girê Şehîd Bêrîtan vê li Heftanînê û Girê Giyê yê li Bêgovayê bi balafirên bêmirov çalakî kirin.

Navenda Ragihandin û Çapemeniyê ya HPG'ê daxuyaniyek weşand û diyar kir ku her du çalakiyên li Heftanîn û Bêgovayê ji bo bîranîna şehîdên Îskenderûnê hatine lidarxistin.

HPG'ê her wiha ragihand ku veguhastina hêzên PDK'ê ya ber bi navçeya Akrê ya Garê ve hê jî dewam dike.

Daxuyaniya HPG'ê ya li ser mijarê wiha ye:

"Hêzên me yên Parastina Hewayî yên Şehîd Delal Amed di çarçoveya pêngava 'Dem dema azadiyê ye' de;

28'ê Cotmehê saet di 09:30'î de li herêma Heftanînê bi balafirên bêmirov li dagirkerên li ser Girê Şehîd Bêrîvan xistin.

29'ê Cotmehê saet di 20:25'an baregeha Girê Biyê ya artêşa Tirk a dagirker a li nehiya Bêgova ya navçeya Zaxoyê bi balafirên bêmirov ên biçek hate bombekirin.

Di her du çalakiyan de jî bi rengekî serketî li her du hedefên hatin diyarkirin, hate xistin û dagirker hatin cezakirin.

Ev çalakî ji bo bîranîna şehîdên Îskenderûnê hatiye lidarxistin.

Hewldanên PDK'ê yên ji bo bicihkirina hêzên xwe li gund û qadên derdora navçeya Akrê ya herêma Garê dewam dikin. Hîn jî çekên giran, wesayit û hêz ber bi herêmê ve tên veguhastin û liv û tevgera navborî dewam dike.”


Mijarên Din