Firokeyeke bêpîlot avahiyeke Qamişlo bombebaran kir

Firokeyeke bêpîlot a dewleta Tirk a dagirker avahiyeke çêkirina keblên kehrebeyê ya li bajarê Qamişloyê bombebaran kir, di encamê de sivîlek birîndar bû û rakirin nexweşxaneyê.

Nêzî saeta 18:30’an balefireke bêpîlot a dewleta Tirk a dagirker li avahiyek a li taxa Qenat Siwês a rojhilatê Qamişlo xist. Hat diyarkirin ku avahî ya çêkirina kabloyên kehrebeyê ye û karkerek birîndar bû.

Girêdayî mijarê, şêniyê bi navê Şêx Zên ku karkerekî avahiyê ye ji ANHA’yê re wiha got: "Firokeyeke bêpîlot nêzî çend saetan li ser avahiyê digerî, piştre avahî bombebaran kir. Di encamê de hevalekî me birîndar bû û rakirin nexweşxaneyê."

Şêx Zên piştrast kir ku avahî ya sivîlan e e û tê de gelek şênî dixebitin. Şêx Zên sûcên dewleta Tirk ên li dijî sivîlan şermezar kir.

(fr)

ANHA


Mijarên Din