DYA hêza xwe li Kendavê zêde dike

DYA’yê ragihand ku li ser daxwaza Erebistana Siûdî û Îmarata Erebî dê hêza teqwiyeyê bişînin Kendavê.

Wezîrê parastinê yê DYA’yê Mark Esper bi bîr xist ku hema Hezîranê ji aliyê hêzên rejîma Îranê ve balafireke keşfê ya Amerîkayê hate xistin û desteserkirina keştiyekî Brîtanyayê û bal kişand ser êrîşa 14’ê Îlonê ya li dijî du xetên petrolê yên stratejîk ên Erebistana Siûdî.

Esper got ev êrîş nûnertiya zêdebûna êrîşên Îranê dike û wiha pê de çû: “Ji bo pêşîlêgirtina aloziyeke Erebistana Siûdî bi armanca parastina bingehê qraliyetê piştgiriya navneteweyî xwest. Îmaratê jî piştgiriyek xwest.”

Mark Esper got li ser daxwazên her du welatan ew ê hêza teqwiyeyê bişînin Kendavê. Têkildarî hejmara yekîneyên leşkerî û tîmên werin şandin ti agahiyek nehate dayîn.


Mijarên Din