'Divê civaka navneteweyî gavên berbiçav li dijî dagirkeriya Tirk biavêje'

Meclisa Jinan a Bakur û Rojhilatê Sûriyê bang li civaka navneteweyî kir ku dest bi gavên berbiçav ên li dijî dagirkeriya Tirk bike.

Bi dirûşma "Na ji dagirkerî û komkujiyan re, bi hev re jin û jiyanê biparêzin" Meclisa Jinan a Bakur û Rojhilatê Sûriyê li bajarê Qamişloyê daxuyaniyek ji raya giştî re ragihand.

Endama Koordîneya Meclisa Jinan a Bakur û Rojhilatê Sûriyê Taz Başa daxuyanî xwend.

Taza Başa got dagirkeriya Tirk armanca wê ew e ku projeya demokrat a ku Rêveberiya Xweser nûnertiya wê dike, tune bike. Taz Başa got: " Piştî ku 58 rojan li hember êrişên dewleta Tirk li ber xwe dan, dewleta Tirk a dagirker li ber çavê civaka navneteweyî û bi erêkirina Rûsya, Amerîkayê û rêjîm Sûriyê ya parastina axa Sûriyê erka wê ye û bi piştgirdayîna komên çeteyan, Efrîn dagir kir."

Taz Başa destnîşan kir ku piştî 3 salan ji dagirkeriyê hê jî dewleta Tirk a dagirker û çeteyên wê binpêkirin û sûcên hovane yên kuştin, revandin û dizîna berhemên arkeolojîk li Efrînê pêk tîne.

Taz Başa diyar kir ku armanca dagirkeriya Tirk ji pêkanîna van sûcan ew e ku siyaseta guhartin demografîk û siyaseta tirkkirinê pêk bîne. Taz Başa wiha pê de çû: “Para herî mezin a sûcên dagirkeriya Tirk û çeteyên wê ji kuştin, revandin, tecawizkirin û destdirêjiyê ya jinan bû, her hewl didin vîna jinên azad bişikînin."

Taz Başa piştrast kir ku sûcên ku li dijî jin û şêniyên Efrînê pêk hatine, sûcên şer û sûcên li dijî mirovahiyê ne.

Taz Başa pesna berxwedana Hêzên Rizgariya Efrînê jî da û got: “Em wek Meclisa Jinan a Bakur û Rojhilatê Sûriyê û bi vê boneya xemgîn, fedakarî û lehengiya hêzên xwe silav dikin û bejna xwe li hember şehîdan ditewînin."

(dm)

ANHA


Mijarên Din