Di teqîna li Serêkaniyê de 4 çete hatin kuştin

Li gundê Til El-Cib ê bajarokê Mebrûka yê rojavayê bajarê Serêkaniyê yê dagirkirî erebeyeke bombebarkirî teqiya. Di teqînê de nêzî 4 çeteyên Ehrar El-Şam ên girêdayî dagirkeriya Tirk hatin kuştin û 5 çete birîndar bûn.

Navenda Çavdêriya Mafên Mirovan a Sûriyê (SOHR) îro ragihand ku li erebeyeke bombebarkirî li bendeke kontrolê ya çeteyên dewleta Tirk a dagirker li bajarokê Mebrûka yê rojavayê bajarê Serêkaniyê yê dagirkirî teqiya û di encamê de 4 çete hatin kuştin.

SOHR`ê diyar kir ku di teqînê de 5 çeteyên din birîndar bûne û rewşa hinekan girane, ku dibe bi wê yekê hejmara kuştiyan zêde bibe.

(cx)


Mijarên Din