Di merasîmê sersaxiyê de banga yekitiyê li hemberî komployan hate kirin

Bi sedan şêniyên bajarê Qamişlo û navçeyên wê sersaxî ji malbatên şehîdên Berxwedana Rûmetê re xwestin. Di merasîmê de banga yekitiyê li hemberî komployan hate kirin.

Bi sedan şêniyên bajarê Qamişlo û nûnerên saziyên civakî û partiyên siyasî, berê xwe dane konê sersaxiyê yê şervanên Hêzên Sûriya Demokratîk (QSD) Udey Ebas (Îvan Humsî), Xalid Xelef (Zinar Qamişlo), Heqî Ehmê (Hesen Qamişlo) û şervana YPJ‘ê Suha Hemê (Zinarîn Amûdê), yên 11‘ê Mijdarê di bersivdayîna êrişên dewleta Tirk a dagirker ên li ser herêma Til Temir de şehîd bûn û welatiyê sivîl Amir El-Elî yê di teqînên bajarê Qamişlo 11`ê Mijdarê birîndar bibû û di 13`yê Mijdarê de şehîd bibû . Konê sersaxiyê li pêşiya goristana şehîd Delîl Saroxan hatiye vedan.

Beşdarên merasîma sersaxiyê wêneyên şehîdan hilgirtibûn û siloganên silavkirina Berxwedana Rûmetê û dilsoziuya bi şehîdan re, bilind digotin.

Di bin konê sersaaxiyê de axaftin hatin kirin. Di axaftinan de banga yekitiyê li hemberî komplo û êrişên li ser herêmê hate kirin.

(rr)

ANHA


Mijarên Din