Di merasîmê sersaxiyê de banga xwedîderketina li şehîdan hate kirin

Bi sedan şêniyên herêma Dêrikê û navçeya Girkê Legê, sersaxî ji malbatên 7 şehîdên Berxwedana Rûmetê re xwestin û gotin: "Divê em bi fedakariya şehîdên xwe re wefadar bin."

Bi sedan şêniyan, berê xwe dane konê sersaxiyê û ji malbatên şehîdên Berxwedana Rûmetê yên li Serêkaniyê şehîd bûne,`` şehîd Mihemed Sofî (Rohat Tik Koçer), Umran Elî (Dêrsim Botan), Heyder El-Cedûi (Keder Berxwedan), Mehmûd Ehmed (Berxwedan), Hemdullah Ark (Maysro), Emîr Rendî (Ronî), Fihmî Şîmger (Derwîş), û Endamê Rêxistina` Free Ranger Burma` Zhao Singh`` re, sersaxî xwestin. Merasîma sersaxiyê li navenda Çand û Huner a Aram Tîgran a navçeya Girkê Legê, hate lidarxistin.

Merasîm bi deqeyeke rêzgirtinê dest pê kir. Paşê Endamê Maclîsa Partiya Yekîtiya Demokratîk (PYD) Tacedîn Ferho axivî:`` Destkeftiyên heta niha hatine bidest xistin, bi saya fedakariya şehîdan bû, şehîdan bi xwîna xwe dîrok nivîsandine, divê em bi fedakariya şehîdên xwe re wefadar bin û xwedî li wan derkevin."

Şandeyek ji Rêxistina Free Ranger Burma beşdarî merasîma sersaxiyê bû. Serokê Rêxistinê Devêd Yubak axivî û sersaxî ji malbatên şehîdên Bakur û Rojhilatê Sûriyê re xwest û soz da di pêşkêşkirina alîkariyan ji şêniyên Bakur û Rojhilatê Sûriyê re berdewam bikin, û tekez kir ku ew ê bi şêniyên Sûriyê re hevalbendê azarê wan bin.

Merasîm bi siloganên dilsoziya bi şehîdan re û silavkirina berxwedan QSD`ê bi dawî bû.

(rr)

ANHA


Mijarên Din