Di komkujiya gundê Qirinfilê de 2 sivîl şehîd bûn, 3 jî birîndar bûn- Hate Nûkirin

Eşkere bû ku şehîd û birîndarên komkujiya gundê Qirinfilê yê Girê Spî ji malbatekê ne.

Balafirên keşfê yên dagirkeriya dewleta Tirk li gundê Qirinfilê yê Girê Spî wesyîteke ku 5 kes lê bûn, kir hedef.

Şêniyên gundê diyar kir ku 2 sivîl şehîd bûn û 3 jî  bi giranî birîndar bûn.

Şêniyan bi zehmetî birîndar û şehîd rakirin nexweşxaneyên bajarê Kobanê.

Navê birîndaran ev in; Rokistan Mihemed Fetûh (22), Nîroz Mihemed Fetûh (25) ji ber rewşa wan a giran ji nexweşxaneya Kobanê veguhestin nexweşxaneya Minbicê, Mihemed Mehmûd Fetûh birîna wê sivike li nexweşxaneya Kobanê tê dermankirin.

Ji şehîdan jî navê Nîzam Mihemed Fetûh (20) hate naskirin.

ANHA

 


Mijarên Din