Dewleta Tirk 25 erebeyên din derbasî Idlibê kirin

Artêşa Tirk a dagirker şandina sewqiyatên leşkerî û lojîstik ber bi Idlibê ve didomîne. Îro jî karwanekî ku ji 25 erebeyên leşkerî pêk dihat, derbasî herêmê bû.

Navenda Çavdêriya Mafên Mirovan a Sûriyê (SOHR) ragihand ku karwanekî leşkerî ku ji 25 erebeyan pêk dihat, bi rêya deriyê Kefer Losîn ê li ser sînorê bi Lîwa Îskenderon, derbas bû Idlibê  û ber nuqteya çavdêriyê ya dewleta Tirk a li baregeha El-Mestûma ya nêzî bajarê Idlibê ve çû.

Bi vê yekê hejmara erebeyên ku ji 5`ê Adarê ve derbasî xaka Sûriyê bûne, bû 3 hezar û 460, her wiha bi hezeran leşker jî derbas kirin.

(bx)

 


Mijarên Din