Dergeha Sêmalkayê li pêş vegera şêniyan ji Başûrê Kurdistanê hat vekirin

Piştî ku dergeh li pêş şêniyên hat vekirin, beşek ji şêniyên Bakur û Rojhilatê Sûriyê gihiştin dergeha Sêmalkayê.

Rêveberiya dergeha Sêmalkayê di 27’ê vê mehê de biryara vekirina dergehê li pêş şêniyên Bakur û Rojhilatê Sûriyê ku dixwazin vegerin, da.

Dergehê Sêmalkayê di 14’ê Adara borî de bi sedema pêşîlêgirtina pandemiya Koronavîrusê hate girtin.

Vê sibehê beşek ji şêniyên Bakur û Rojhilatê Sûriyê ku ji Başûrê Kurdistanê ku di dergeha Sêmalkayê re tên, piştî keşfên ji aliyê komîteya tenduristiyê ya li ser dergehê,  derbas bû.

Tedbîrên dezenfektekirinê li ser şêniyan hatin girtin, navên wan di qeydên tenduristiyê de hatin tomarkirin.

Li gorî biryara ku ji rêveberiya dergehê derketiye de, heta 4’ê Hizîranê şênî dikarin vegerin.

(fr)

ANHA


Mijarên Din