Daîreya Avê ya Dêrikê dest bi projeya berfirhekirina torên ava kir

Daîreya Ava ya Dêrikê dest bi projeya berfirehkirina torên avê bi dirêjahiya 275 m da ku pirsgirêka ava vexwarinê li taxa şehîd Xebat û taxên dîtir ên bajêr çareser bike, kir.

Piranî torên ava vexwarinê li taxa Şehîd Xebat a başurê bajarê Dêrikê rastî şikandin û xirabkirinê bi encama bê ser û ber a lêkirina avahiyan hat. Ji lew re ava vexwarinê li ser gelek malên taxê qut bû.

Daîreya Avê ya Dêrikê dest werda û dest bi projeya berfirehkirina torên avê li taxê ya dabînkirina ji 100 malî re kir.

Gerînendeyê Daîreya Avê ya Dêrikê Mihemedemîn Hacî got ku armanc ji vê projeyê ew e ku torên avê yên bê ser û ber ku bûye sedema mehrûmkirina taxê ji avê, bê rakirin û dîtina çareyekê ji êşa şêniyên taxa Şehîd Xebat re.

Hacî lê zêde kir ku lêçûna projeya avê li taxa Şehîd Xebat nêzî  2 milyon û 500 hezar e û dê avê bide 100 malî.

Hacî îşaret pê kir: "Projeya berfirehkirina torên avê li taxên navçeya Dêrik, bi taybet li hin taxên ku êşa kêmbûna avê dikişînin weke taxa Sor û taxa Şehîd Xebat a Jorîn, berdewam e."

Li rexê jî tekez kir ku av bi awayekî daîm li bajêr heye. Ew jî ji bilî hin caran li taxa El-Meşfe(nexweşxaneyê) ya ku avê ji bendava El-Sefan werdigire, qut dibe.

Hacî li dawiyê bang li şêniyên kir avê zêde xerc nekirin û henefiyên avê vekirî nehêlin. Biryarên Daîreya Avê ya Dêrikê pêk bînin.

(fr)

ANHA


Mijarên Din