DAIŞ çawa bû Artêşa Niştimanî ya Sûriyê-1

Dewleta Tirk a dagirker ji bo Bakur û Rojhilatê Sûriyê dagir bike  bi navê “Artêşa Nîştimanî ya Sûriyê(Ceyş El-Wetenî) de gelek komên çekdar berhev kirine û bingeha van koman jî çeteyên ji DAIŞ pêk tên.

Wezîrê Parastinê yê dewleta Tirk Hulusî Akar wan weke “zarokên wê herêmê” yê bi nav dike û serokkomarê Tirkiyê Erdoganê bi pesin weke”mûcahîtên vejînê yên bi nav û deng” bi nav dike.  Di nava endamên Artêşa Nîştimanî ya Sûriyê de gelek kesên ku di asta jor de berpirsyariya DAIŞ’ê kirine, hene.  ANHA, xwe gihand 76 navên DAIŞ’ê yên ku dewleta Tirk ji bo dagirkirina Bakur û rojhilatê Sûriyê  cilên wan guhertine.

Li Hema, Siwêdayê, Hums, Xota û gelek bajarên din sûcên mirovahiyê kirine.  Kujerê Peter Kassîg yê ji DYA’yê revandin û li çolterên Idlibê  serê wî jêkirin û dîmen li ser youtubê belav kir. Sofyan El-Qişhim jî tê de heye. Dîsa navê kujerê Hevrîn Xelef, Ebû Sedam El-Ensarî jî di nava vê lîsteyê de derbas dibe.

Ev kesên ku di nava DAIŞ'ê de sûcên şer kirine rêka hemûyan jî li ser xeta Heleb-Ezezê gihiştiye komên çeteyên ji aliyê dewleta Tirk de tên destekkirin. Niha jî li Serêkaniyê û Girê Spî tevî dewleta Tirk êrişî kurdan dikin.

Bi du awayî lîsteya ku em pêşkêş bikin DAIŞ’î çawa bûne qaşo Artêşa Niştimanî ya Sûriyê bi awayeke eşkere dide nîşandan.

1 - Basil Mihemmed Elelî: nasnav Telha

Li Suriyê bajarê Humis dayîk bûye. 23 saliye. 2013 de tevlî DAIŞ  bûye. 2017’yan de li Helebê derbasî tûmena Hemza ya ji aliyê dewleta Tirk tê destekkirin bû. Niha li Sûlûk bi navê Arteşa Niştimaniya Suriyê şer dike.

2 - Basil Xesan Elesûra: Nasnav Ebû Ûsame Elşamî

Sala 1993 li Şamê dayîkbûye. 2012 li Xûta tevlî El Nusra bû. 2014’yan de derbasî Siwêdê bû û li vir tevlî DAIŞ  bû. 2016’yan de bi navê DAIŞ  tabura Emîn Xarîcî avakir û bû Emîrê vê tabûr ê. 2017 derbasî Tirkiyê bû. Bi tûmena El-Hemza re tevlî dagirkeriya Efrînê bû. Niha li Girê Spî bi dewleta Tirk re ye.

3 - Beşar Simîd: Nasnav Ebû Îslam El-Qelemûnî

Sala 1994 girêdayî Şamê El Nebîk dayîkbûye. 2014’yan de tevlî DAIŞ  bû. Li Temdûr û Tenefê tevlî şer bû. 2017’yan de derbasî Idlibê ji vê derê jî bi Ebû Eymen El Iraqî re derbasî Tirkiyê dibe. Koma çete ya Ehrar Al-Şerqiyê weke fermandarê tabûrê tevlî dagirkirina Efrînê bû. Niha li Serêkaniyê ye.

4 - Beşîr El-Emûrî: Nasnav Ebû Ehmed El-Tedmûrî

1990 dayîk bûye. 2014`yan de li Humis tevlî DAIŞ bûye. 2017’de derbasî Ezazê bûye. Bi Tugaya Sultan Murat a ji aliyê dewleta Tirk hatiye avakirin de tevlî dagirkirina Efrînê bû. Niha li Serêkaniyê ye.

5 – Ebdullah Ehmed Elebdelah:

Ji Humisê ye sala 1991 dayîkbûye. 2014’de tevlî DAIŞ bûye, di xebatên rêxistinê yên îstîxbaratê de cih girtiye. Li Tenefê li dijî balafirgeha girêdayî Koalîsyona Navnetewî êriş pêk aniye. Piştre revî Xûta. Navê wî tevlî gelek buyerên dizî û talanê bûye. 2016’de derbasî qadên di bin kontrola Tirkan bû û li vê derê tevlî Tûmena El-Hemza bû. Niha li Serêkaniyê ye.

6 – Ebdullah El-Şimerî: Nasnav Ebû Telha El-Şimerî

20 salî ye , girêdayî Suriye bajarê Temdur li gundê El Soxna dayîkbûye. 2015’de li Dêrezorê tevlî DAIŞ bû. 2018’de derbasî Helebê bû û tevlî koma çeteyên Ehrar El-Şerqiyê bû. Niha li Girê Spî ye.

7 – Ebdullah El-Zirêr: Nasnav Ebû Cehfer

1991 li Humis dayîkbûye. 2012’de tevlî El Nusra bûye. 2014’de li Şamê tevlî DAIŞ dibe. Li Şam, Helep û Elbitirê de tevlî şer bûye. 2017’de derbasî Tirkiye dibe û li vêderê perwerdeya leşkerî dibîne. Di bin kontrola MIT’ê de koma çeteyên Lîwa El Îslam ava kir. Bi vê komê re tevlî dagirkirina Efrînê bûye. Niha li Girê Spî ye.

8 – Ebdullah Mihemed Eliwêd: Nasnav Ebû Seyîf El-Helebî

1989’de girêdayî Helebê li Sifîra dayîkbûye. 2015’de Helebê  tevlî DAIŞ’ê bûye. 2016’da li ser malpera xwe ya twitterê wêneyên xwe yên li Tebqa li ser doçkayê parvekiribû. 2017’de derbasî Idlibê dibe ji vêderê jî diçe Tirkiye. Di bin sîwana arêşa Tirk li Tûmena El-Hemza perwerdeya leşkerî dibîne. Niha li Girê Spî ye. 

Di wêneyê de kesê bi navê Abdullah re di nava artêşa Tirk de bi hevre ne.

9 – Ebdullah Mihemed El-Inizî: Nasnav Ebû Mihemed El-Cezrawî.

Ji Siûdî Erebîstan bajarê Riyadê ye dayîkbûye, 27 saliye. 2015’de bi rêka Tirkiyê tevlî DAIŞ’ê bûye. Li Reqa û Humisê şer kiriye. Bi tabûra Ûsûd El-Ednanî re tevlî şerê Minbicê bû. 2018’de derbasî Ezazê bû. Piştre bin kontrola dewleta Tirk de tevlî Ehrar El-Şerqiyê bû. Niha li Girê Spî ye.

10 – Ebdullrehman Mihêmid: Nasnav Qesûre Eldêrî

1992 li Dêrazor dayîkbûye. 2012’de li Dêrazorê tevlî El Nusra bû. Li Dêrazor, Dera û Hema tevlî şer bû. 2015’de dema li Hamayê Emîrê El Nusra bû û şer dikir van wêneyan di medyaya civakî de parvekiribû. 2016’de koma çeteyên ji aliyê Tirkan de tên destek irin tevlî Ehrar El-Şerqiyê bû. Niha li Girê Spî  ye .

11 - Nasnav Ebû Fêsel Elnihêmî

1990 li Temdurê dayîkbûye.2014’de li Humisê tevlî DAIŞ’ê bû. Çekên giran ên DAIŞ’ê bi kar dianî û perwerdeyên leşkerî dida. Derbasî Idlibê bû û li vê derê bi koma çeteyên Feyleq El Şam re tevlî şer bû. Ji vê derê bi 20 çeteyan ve ji vê komê qut dibe û tevlî Tugaya Sultan Murat dibin. Niha li Serêkaniyê ye.

12 – Nasnav Ebû Omer Elhatim

32 salî ye, li Reqayê li herêma  Kesrat Cimha dayîkbûye. 2015’de tevlî DAIŞ dibe. 2017’de li ser Helebê re derbasî Ezazê dibe. Bi koma çeteyên Ehrar El-Şerqiyê re li cem dewleta Tirk tevlî dagirkirina Serêkaniyê bû. Niha li Serêkaniyê ye.

13 - Ebû Silêman Elminbicî

34 salî ye li Minbic hatiye dinê. 2015’de li Reqa tevlî DAIŞ dibe. 2017’de derbasî Ezazê dibe, tevlî koma çete ya Ehrar El-Şerqiyê dibe. Bi dewleta Tirk re tevlî dagirkirina Girê Spî bû. Niha li Girê Spî ye.

14 – Nasnav Ebu Wefa El Tunisî

35 salî ye li Tunisê dayîkbûye. Bi ser Tirkiye re 2014’de tevlî DAIŞ’ê bû. Li Reqa Emîrê Şerî yê DAIŞ’ê bû. Piştre bi heman erkê veguhestin Dêrazorê. Endamên çete yên nû re perwerdeya şerî  û leşkerî dida. 2017’de derbasî Ezazê bû û tevlî koma çeteyên Ehrar El-Şerqiyê bû. Di nava vê koma çeteyan de bi nasnavê Ebû Wefa perwerde daye. Niha li Serêkaniyê ye.

15 - Edehem Feteh Elşikerçî

1999 li bajarê Dêrazorê dayîkbûye. 2013’de li Dêrazorê tevlî DAIŞ’ê dibe. Li Soxne, Temdur û Dêrazorê tevlî şer dibe. 2017’de derbasî Bab û Ezazê dibe. Li Helebê tevlî komên  çete yên ji aliyê Tirk ve tên destekkirin de tevlî şer dibe. Niha li Serêkaniyê ye.

16 - Ehmed El-Elî El-Casim El-Omer: Nasnav Ebu Iselam El-Şami

28 salî ye ji Suriyê navçeya El Kesrat dayîkbûye. 2015’de ji Reqa tevlî DAIŞ’ê dibe. Çekên giran bikar aniye, 2017’de derbasî El Raî dibe ji vêderê jî tevlî Ehrar El-Şerqiyê dibe. Niha li Girê Spî ye.

17 - Ehmed Elhamid: Nasnav Ebû Furat Elhimsî

1994 li Sûriyê bajarê Temdur hatiye dinê. 2015’de tevlî DAIŞ’ê bûye. Sabotajciyê DAIŞ’ê ye. 2017’an  derbasê Ezazê dibe û li vêderê tevlî Tûmena El-Hemza dibe.

Di wêneyê yekemîn de li DAIŞ  di wêneyê duyemîn de li cem çeteyên Tirk xuya dike.

18 - Ehmed Xalid El-Rehmûn: Nasnav, Ebû Mariya El-Ensarî

1993 li Şamê tê dinê . 2013’de tevlî Artêşa Azad ya Sûriyê dibe. Di çarçoveya bernameya perwerde – arastekirinê de di bin wêneriya DYA-Tirkiyê de perwerdeya çekan dibîne. 2014’de ji Artêşa Azad vediqetê û tevlî DAIŞ’ê dibe.

2016’de derbasî Idlibê dibe, piştre jî derbasî Tûmena El-Hemza dibe. Ji Mistefa El-Lûbnanî perwerdeya çeka dibîne. Niha li Girê Spî ye. 

Hem li cem DAIŞ û hem jî li cem El Hamzat du wêneyên wî hene.

19 - Elî Hesen Taha: Nasnav, Ebû Dewle Harûn

27 salî ye  li Dêrazorê taxa Miwezfîn hatiye dinê. 2015’de li Şedade tevlî DAIŞ’ê bûye. 2017’de derbasî Ezazê dibe, tevlî koma çete ya bin sîwana Tirkan Ehrar El-Şerqiyê dibe. Niha li Serêkaniyê ye.

20 - Erwa Eshed Eldihêfis: Nasnav Ebû Semîr Elhimsî.

Girêdayî Humisê gundê El-Xinêfis dayîkbûye. 2014’de tevlî DAIŞ’ê bûye. Li Humis, Siwêda û Tenefê tevlî şer bûye.  2017’de çûye Tirkiyê. Cem Tugaya Sultan Murat bi navê dewleta Tirk li Babê tevlî şer bûye. Piştre dîsa di bin desteka dewleta Tirk de derbasî koma çeteyên Ehrar El-Şerqiyê dibe. Bi tevî vê komê tevlî dagirkirina Serêkaniyê bû.

Di wêneya yekemîn de dema bi navê DAIŞ  şer dikir, yê duyemîn de komên çeye yên ji aliyê Tirkan de tên destek kirin de tê dîtin

21 - Fayiz El-Ebid El-Kerîm: Nasnav Ebû Fatime Elreqawî

23 salî ye li Reqa dayîkbûye. 2014’de tevlî DAIŞ’ê bûye. Li cem DAIŞ’ê berpirsyarê cebilxanê bû. 2018’de tevlî Tûmena El Hemza bû û tevlî şerê dagirkirina Efrin bû. Niha li Serêkaniyê ye.

Wêne dema ku li cem DAIŞ  şer dikir hatiye kişandin.

22 - Fedî Qoseyî Sultan: Nasnav Ebû Tirab Elşamî

23 salî ye li Şamê hatiye dinê. 2015’de tevlî DAIŞ’ê bûye. Reqa, Humis û Dêrazorê tevlî şer bûye. 2017’de li ser Helebê derbasî Ezazê bûye û piştre tevlî Ehrar El-Şerqiyê bûye. Niha li Girê Spî ye.

Di wêneyê de dema li cem DAIŞ  şer dike.

23 - Fehid Selûm El-Idlibî: Nasnav Ebû Elî Hewaciz

27 salî ye li Idlibê hatiye dinê. 2014’de li Reqa tevlî DAIŞ’ê bûye. 2017’de derbasî milê di bin kontrola dewleta Tirk dibe tevlî koma çeteyên Ehrar El-Şerqiyê dibe. Piştre jî bi artêşa dewleta Tirk re di êrîşên dagirkirinê de cih girt. Niha li Girê Spî ye.

Ev wêne dema ku li cem DAIŞ ’ê şer dikir.

24 - Fehid Xelef El-Elî El-Seyid: Nasnav Seyîf El-İslam

1998’de li Girê Spî hatiye dinê. 2015’de li Reqa tevlî  DAIŞê dibe. Li Reqa û Dêrazorê tevlî şer bû. 2017’de derbasî Ezazê dibe û tevlî Tûmena El-Hamza dibe. Tevî vê koma çeteyan tevlî dagirkirina Serêkaniyê bû. Niha li Serêkaniyê ye.

Ev wêne dema cem DAIŞ  şer dikir hatiye kişandin.

25 - Fehid Xelef Nercis: Nasnav Ebu Xewle Mudadat

23 saliye li Dêrazor dayîkbûye. 2014’de tevlî DAIŞ’ê dibe. Li Reqa û Dêrazorê tevlî şer dibe. 2017’de derbasê Helebê dibe û li vir tevlî Ehrar El-Şerqiyê dibe. Tevî vê koma çete ve tevlî dagirkirina Girê Spî bû. Niha li Silûk e.

26 - Ferec Ehmed Elseyîd: Nasnav Ebû Ebas Elêraqî

Li Dêrazor hatiye dinê. 2014’de tevlî DAIŞ’ê dibe. Tevlî şerê Dêrazor û Reqa dibe. 2017’de derbasê Helebê dibe û li vir tevlî koma çeteyên Ehrar El-Şerqiyê dibe. Di bin çavdêriya dewleta Tirk de tevlî dagirkirina Serêkaniyê bû. Niha li Serêkaniyê ye.

27 - Hemîd Elwan Elhesin: Nasnav Ebû Selha Tew

23 salî ye li Dêrazor dayîk dibe. 2014’de li Hesekê tevlî DAIŞ’ê dibe. 2017’de derbasî Ezazê dibe û ji vê derê tevlî çeteyên Ehrar El-Şerqiyê dibe. Bi dewleta Tirk re tevlî dagirkirina Girê Spî dibe. Niha li Girê Spî ye.

Di wêneyê de dema li cem DAIŞ  şer dikir tê dîtin

28 - Hesen Xelîf El-Omer: Nasnav: Ebû Omer El-Farûq

19 salî ye li Reqa dayîkbûye. 2017’de derbasî Heleb’ê dibe li vir tevlî  çeteyên Ehrar El-Şerqiyê dibe. Bi dewleta Tirk re tevlî dagirkirina Serêkaniyê dibe. Niha li Serêkaniyê ye.

Ev wêne dema ku li DAIŞ ’ê bû hatiye kişandin.

29 - Hesen Xilêf Elhesûnî: Nasnav Ebû Ebdelah Xerîte.

37 salî ye li Dêrazor hatiye dinê. 2015’de li Dêrazorê tevlî DAİŞ’ê dibe. 2017’de derbasî El-Ria dibe, destpêkê tevlî çeteyên Ehrar El-Şerqiyê dibe, piştre jî tevlî koma çeteyên Tûmena El-Hemza dibe. Di bin çavdêriya dewleta Tirk de tevlî dagirkirina Girê Spî dibe. Niha li Girê Spî ye.

30 -Husam El-Idlibî: Nasnav Ebû Mihemed Elemnî

37 salî ye li Idlibê hatiye dinê. 2014’de li Reqa tevlî DAIŞ’ê bû. 2017’de derbasî Ezazê dibe û li vir tevlî çeteyên dewleta Tirk dibe. Bi çeteyên Ehrar El-Şerqiyê re tevlî şerê dagirkirina Girê Spî dibe. Niha li Girê Spî ye.

Ev wêne dema ku li DAIŞ ’ê bû hatiye kişandin.

31- Huzeyîfa Sehid: Nasnavê wî, Ebu Zêd

Li navçeya Kesra Cumha ya girêdayî Reqayê hatiye dinê. Di sala 2015’an de li Reqayê tevlî DAIŞ’ê bû, li cem DAIŞ’ê şer kir. Di sala 2017’an de ji navçeya Hezîma ya Reqayê derbasî Ezazê bû û tevlî Tugaya Sultan Murad bû. Niha li gel koma Ehrar El Şerqiye li Girê Spî ye.

32 - Macîd El Xalid (Hec Macid): Nasnavê wî, Heci Ebu Omer El-Ensarî

Di sala 1983’yan de li Humisê hatiye dinê. Di destpêka şerê navxweyî yê Suriyeyê de di nava koma Liwa El Heq de li navçeya El-Igerbat a girêdayî bajarê Hamayê bû. Di sala 2014’an de li Hemayê tevlî DAIŞ’ê bû. Yek ji kesên ku di rêxistinkirina Hemayê de cîh digirt bû û emîrê leşkerî yê parêzgeha Hemayê bû. Bi Tirkan re têkilî çêkir û bi koma xwe re çû Idlibê. Li Idlibê jî bû berpirsyarê Tumena El-Hemze û li gel Tirkan êrişî hêzên QSD’ê kir. Niha li Serêkaniyê ye.

33- Mesna Xelîl El Hesen: Nasnavê wî, Ebu Aîşe El Tibnî

25 salî ye, navê dayîka wî Xedîce ye. Di sala 2013’an de li navçeya Til Tibnî ya girêdayî Dêrazor tevlî DAIŞ’ê bû û li eniyên Dêrazorê cîh girt. Heta sala 2017’an li navçeya Suxna berpirsyarê komek leşkerî bû. Piştre reviya navçeya El-Raî ya girêdayî Helebê û tevlî koma Usud El Şerqiye bû.  Niha li Girê Spî ye.

34 - Mihemed Asim El Sebra: Nasnavê wî, Ebu El Hari El Ensarî

Di sala 1996’an de hatiye dinê. Di sala 2104’an de li bejahiya Humisê tevlî DAIŞ’ê bû. Li Şamê girêdayî emîrê bi navê Ebû Mihemed di qada teknîkê de kar dikir. Di destpêka sala 2017’an herêma baregeha Tenef a Amerîkayê tevlî Artêşa Azad bû û ji leşkerên Amerîkayê perwerde girt. Piştre li Ezazê hat erkdarkirin û piştî 3 mehan tevlî Tumena El Hemza bû. Di dagirkeriya Efrînê de cîh girt, niha jî li Girê Spî ye.

35-Mihemed Besam Misto

Di sala 1995’an de li Idlibê hatiye dinê, navê dayîka wî Nura ye. Di sala 2015’an de li herêma Cisir El-Şixur tevlî El-Nusrayê bû. Di sala 2017’de tevlî Tumena El-Hemza bû û niha li gel Tumena El-Hemza li Silûkê dimîne.

36 - Mihemed Ehmed Siwês: Nasnavê wî, Ebu Ehmed El Humusî ye

 Di sala 1995’an de li Humisê hatiye dinê. Sala 2015’an li Şamê tevlî DAIŞ’ê bû. Di êrîşên li ser Tenef û Tedmur de cih girt. Piştre tevlî koma Ehrar El Şerqiye bû û ji Tirkiyeyê perwerdeya leşkerî girt. Piştî perwerdeya leşkerî di êrişên Efrîn û Şehbayê de cih girt. Niha li Girê Spî ye.

37 - Mihemed Elbedireh: Nasnavê wî Ebu Cilêbib e

Sala 1994’an li Humisê hatiye dinê. Di sala 2015’an de li Humisê tevlî DAIŞ’ê bû û di êrişên Şehar, Teyfur û Cezra de cih girt. Di sala 2017’an de bi riya yekîneya ewlekariyê ya bi navê Beşaîr çû Ezazê. Sala 2018’an tevlî Tumena El Hemze bû û di êrîşên ser Şehbayê de cih girt. Niha li Serêkaniyê ye.

Wêneyê ku nîşan dide Mihemed di nava DAIŞ’ê de ye. Wêneyê ku niha nîşan dide niha di nava Tugaya Sultan Murad de ye. 

  38 - Mihemed El Hemdan: Nasnavê wî: Decane Iraqî

Sala 1980’yan li Iraqê hatiye dinê. 2003’yan derbasî Suriyeyê bû û li Humisê bicîh bû. Yek ji damezirînerên DAIŞ’ê ye. Li çolistanê emîrê leşkerî bû. Di êrişên ser Humis, Şam û Hemayê de cih girt. Sala 2017’an ji Hemayê derbasî Idlibê bû û Tabûra Siqûr El-Badiyê ya girêdayî koma Sultan Murad ava kir. Piraniya endamên koma wî ji DAIŞ’iyan pêk dihat. Bi vê komê re tevlî dagirkeriya ser Efrînê bû. Niha li Girê Spî ye.

Wêneyê ku nîşan dide Mihemed El-Hemdan di nava DAIŞ’ê de cih girtiye. Wêneyê ku niha nîşan dide  di nava Tuguya Sultan Murat de cih digire.

39 - Mihemed Enes El-Êbêd: Nasnavê wî: Enes El-Herbî

Di sala 1995’an de li Humisê hatiye dinê. 2015’yan li Humisê tevlî DAIŞ’ê bû û di êrîşên ser Tedmur, herêma Tenef û Heqil El-Şahir de cih girt. Sala 2016’an di ewlekariya derve de hat erkdarkirin. Piştre tevlî Tugaya Sultan Murad bû. Li Tirkiyeyê perwerdeya leşkerî dît. Tevlî koma Ehrar El Şerqiye bû. Di êrişên ser Efrîn û Til Rifat de cih girt. Niha li Girê Spî ye.

Wêneyê ku nîşan dide Mihemed Enes El Êbêd di nava DAIŞ’ê de cih digire. Wêneyê ku nîşan dide di nava komên girêdayî Tirkiyeyê de cih digire.  

ANHA


Mijarên Din