Ciwanên Tebqayê pêngava "Tev li cenga azadiyê bibin" ragihand

Tevgera Ciwanên Şoreşger ên Sûriyê û Yekitiya Jinên Ciwan bi pêşangeha hunerî ku bi navê "Pêngava Azadiyê" hatibû vekirin, pêngava "Tev li cenga azadiyê bibin" ragihand.

Pêşangeh bi beşdarbûna endamên saziyên sivîl, leşkerî û bi dehan şênî li navenda Şehîd Hanî El-Elîs a Ciwanên Tebqayê hate vekirin.

Bernameya pêşangehê bi rêzgirtinê dest pê kir, piştre her du rêxistinên ciwanan daxuyaniyek hevbeş ragihand. Şeyma El-Elî daxuyanî xwend û wiha got:

"Bi navê ciwanên şoreşger û jinên ciwan em tevlêbûna xwe ji pêngava 'Tev li cenga azadiyê bibin" radighînin. Ev pêngava berdewama pêngava 'Teqez em ê bi ser bikevin' e ya ku beriya salekê hatibû destpêkirin. Di vê pêngavê de çalakî û planel hatin lidarxistin. Armanca me ji vê yekê ew e ku dengê xwe bighînin raya giştî û cîhanê ku em li qadan in, li ber xwe didin û tê dikoşin da ku projeya me ya li dijî dagirkeriyê û hêzên destpotîzim bi ser bikeve.

Me pêngava 'Tev li cenga azadiyê bibin' ragihand da ku em rihê şoreşgerî di hundirê her ciwanekî û ciwaneke ku dixwaze li welatiyekî ku azadî, adalet û wekhevî tê de misoger bibe bijî, zindî bihêlin, ev welat dê bi berdêl û vînên me yên ber bi azadiyê ve ronî bibe.

Pêngava me îro bi pêşangeheke hunerî bi navê (Meşa azadiyê) dest pê kir. Bi vê yekê me şehîd û lehengîn xwe yên ji bo serxistina doza me berdêlên mezin dane, bi bîr anîn.

Dûvre malbatên şehîdan ên Tebqayê deriyê pêşangehê vekirin û li hola wê geriyan.

https://www.hawarnews.com/ar/uploads/files/2021/06/12/131533_mhmwd-alytym.jpg

Hevserokê Komîteya Ciwan û Werzîşê Mehmûd El-Yetim got, pêşangeh balê dikişîne ser dozên gelên herêmê û fedekariyên şehîdên wê, wiha pirtûkên xwediyên fikirên demokratîk û sembolên wê di serî de yên rêber Abullah Ocalan hatin pêşandan.

Tê payîn ku di demên pêş de di çarçoveya pêngavê de çalakiyên çandî, wezîş, mihrîcan, panel û xwepêşandanan li dar bikevin.

(eh)

ANHA


Mijarên Din